ନିଜେ, ନିଜସ୍ୱ ଦର୍ପଣ

ହୋଇଥାଉ ପଛେ ମଣିଷ ସୁନ୍ଦର ଓ ବହୁ 

ଗୁଣର ଅଧିକାରୀ

ସତ୍ ଚରିତ୍ର ଅଭାବରେ ମଣିଷେ କି ହେବ

ସ୍ୱଅହଙ୍କାର କରି ।

ସତ୍ୟ, ନ୍ୟାୟ ଓ ଦୟା, ମଣିଷ ମଧ୍ୟରେ

ଏହି ତିନି ଗୁଣ 

ମନରେ ଭରି ରହିଥିଲେ ତାହାକୁ ତ ସଦା 

ମିଳଇ ସମ୍ମlନ ।

ଏହି ତିନି ଉତ୍ତମ ଗୁଣରେ ବିଭୂଷିତ ହୁଏ, ସେ

ପ୍ରିୟ ଭାଜନ ହୁଅଇ

ତାହାର ଉପସ୍ଥିତି ଜ୍ଞାନ ବୁଦ୍ଧି ବଳରେ ଅସାଧ୍ୟ 

ସାଧନେ କରିଥାଇ ।

ସତ୍ୟ କରମ କରିବା, ଯଦି ନିଜ ବିବେକକୁ 

ଆମେ ବୁଝେଇ ପାରିବା

ଅସତ୍ୟରେ ଚାଲିବା, ସେ ସମୟେ, ନିଜର

ବିବେକକୁ ବୁଝେଇ ନପାରିବା ।

ଦର୍ପଣ ଆଗରେ ଠିଆ ହୋଇ ନିଜର ଅନ୍ତରକୁ

ଅନୁଧ୍ୟାନ କରି ପଚାର 

ଦେଖ ତୁମେ ସାଧୁ ଅବା ଅସାଧୁ ତୁମର ସେହି 

ପ୍ରଶ୍ନର ତୁମେ ପାଇବ ଉତ୍ତର ।