ନିଦ୍ରା ତେଜ

କେତେ ଦିନ ଆଉ ଚେଇଁ ଶୋଇଥିବୁ

    ଉଠ ତୁହି ନିଦ୍ରା ତେଜି

ସୁବିଧା ରେ ସବୁ ଶୁଖ ସାଉଁଟିବୁ

    ମଉକା କୁ ଖୋଜି ଖୋଜି l

ତୋର ଜାତି ଭାଇ ଯୁଦ୍ଧ ଲଢୁଅଛି

   ଚାହିଁଛୁ ତୁ ଜଳକା ପରି

ଚାରିକାନ୍ଥେ ରହି ବୋଲାଉଛୁ ତୁହି

   ଚତୁର ପଣରେ ହେବକେ ସରି l

କଷଣ ସିଏ କରିଣ ଭୂଷଣ ଲଢେ

    ମୋର ଜାତି ଭାଇ ସୁଖ

   ମନରେ ସଦା ଭାଳୁ ଥାଏ

ଅନୁପସ୍ଥିତି ରେ ପାଉଥାଏ ଦୁଃଖ l

ନିଜ ଅଧିକାର ସ୍ୱାଭିମାନ ପାଇଁ ତୁହି

   ଲଢ଼ିବାକୁ ପଶ୍ଚାତପଦ ହେଉ କିମ୍ପାଇ

ବିନା ପରିଶ୍ରମେ ସିଂହ କି ଶୋଇଲେ

   ମୃଗ କି ମୁଖେ ପ୍ରବେଶଇ l

ନିଜ ପାଇଁ ତୁହି କରିଲେ ସଂଗ୍ରାମ

   ଲଭିବୁ ସଦା ଆତ୍ମ ସନ୍ତୋଷ

କର୍ତ୍ତବ୍ୟ ଠାରୁ ଦୂରେ ରହି

  ଲଭୁଅଛୁ ତୁ କେଉଁ ଯଶ l

ପରିସ୍ଥିତି ସିନା ସାଜିଲେ ବାଧକ ତୋର

   ଦେବୁ ତୁହି ପଛ ଘୁଞ୍ଚା

ଉତ୍କଳ ମାତାର ବୀର ସନ୍ତାନ ତୁ

    ଭୁଲିଲୁ ପୂର୍ବ ଗୌରବ ଗାଥା l