ନେତାଜୀ ସୁଭାଷ

ମରେ ନାହିଁ ବୀର ଭୟ ଅଗୋଚରେ

ଅମର ଜ୍ୟୋତି ସେ ଦେଦୀପ୍ୟମାନ

ଗୁଞ୍ଜେ ଜୟହିନ୍ଦ ନେତାଜୀ ସୁଭାଷ

ଏ ମାଟି ଆକାଶ ପାଣି ପବନ ।

ମାତା ପ୍ରଭାବତୀ ଜନକ ଜାନକୀ

ନାଥଙ୍କ ନବମ ପୁତ୍ର ସନ୍ତାନ

ଓଡ଼ିଶା କଟକ ନଗରେ ଜନମ

ସୁଭାଷ ଉଜ୍ଜଳ ଭାରତ ରତ୍ନ ।

ବାଲ୍ୟକାଳୁ ଥିଲେ ପ୍ରତିଭା ସମ୍ପନ୍ନ

ନେତୃତ୍ୱ ପ୍ରକାଶେ ଅପ୍ରତିହତ

କରିଥିଲେ ତ୍ୟାଗ ପ୍ରଶାସକ ପଦ

ଅରଜି ଚୟନେ ଉଚ୍ଚ କୃତିତ୍ୱ ।

ଜାଳି ଦେଶପ୍ରେମ ଲେଲିହାନ ବହ୍ନି

ଜାଗରିତ କଲେ ସ୍ୱରାଜ୍ୟ ସ୍ୱପ୍ନ

ପରାଧୀନତାର ଲୈ।ହଶୃଙ୍ଖଳକୁ

ଭାଙ୍ଗିବାକୁ ଦେଲେ ବଜ୍ର ଆହ୍ୱାନ ।

ସଙ୍ଗଠିତ କଲେ ଯୁବକ ଯୁବତୀ

ସ°ଗ୍ରାମୀ ନିର୍ଭୀକ ଅପ୍ରତିଦ୍ୱନ୍ଦୀ

ବେଙ୍ଗଲ କ°ଗ୍ରେସ ଅଧ୍ୟକ୍ଷ ହୋଇଲେ

ନିଗମ ମେୟର ହୋଇ ବି ବନ୍ଦୀ ।

ଜାତୀୟ କ°ଗ୍ରେସ ସମ୍ପାଦକ ଭାବେ

ତାଙ୍କର ଦକ୍ଷତା ଦିଗଦର୍ଶନ

ସ୍ୱ।ଧୀନତା ଲକ୍ଷ୍ୟ କରିଥିଲା ତୀବ୍ର

ସ୍ୱଦେଶୀ ଅସହଯୋଗ ସ°ଗ୍ରାମ ।

ଜ୍ୱାଳାମୁଖୀ ତାଙ୍କ ସମ୍ବାଦ ଉଦ୍ଘୋଷ

ଆଲେଖ୍ୟ ପ୍ରଚଣ୍ଡ ମୁକତି ମନ୍ତ୍ର

ବାରବାର ବନ୍ଦୀ କରି କାରାଗାରେ

ରୁଦ୍ଧ କରୁଥିଲା ଇ°ରେଜ ତନ୍ତ୍ର ।

ଗୃହବନ୍ଦୀ ଥାଇ ବଙ୍ଗଳା ନିବାସେ

ଅପସରିଗଲେ ଛଦମବେଶେ

ପହଞ୍ଚିଲେ ଯାଇ ଜର୍ମାନ ବର୍ଲିନ

କାବୁଲ ଋଷିଆ ମସ୍କୋର ବାଟେ ।

ଜର୍ମାନ ଜାପାନ ସମ୍ମିଳିତ ଶକ୍ତି 

ସହଯୋଗ ବଳେ ଟୋକିଓ ନଗ୍ରେ

ଗଠନ କରିଲେ ସଶସ୍ତ୍ର ବାହିନୀ

ଆତ୍ମ ପରିଚୟ ନାୟକ ଭାବେ ।

ସ୍ୱ।ଧୀନ ଭାରତ ସରକାର ଗଢ଼ି

ଆହ୍ୱାନ କରିଲେ ଦିଅ ରକତ

ଦିଲ୍ଲୀ ଚଲୋ ବୀର ଆଜାଦ ଫଉଜ

ଡାକେ ଜନ୍ମଭୂମି ଦେଶ ଭାରତ ।

ମିଳେ ନାହିଁ କେବେ ମୁକ୍ତି ସ୍ୱ।ଧୀନତା

କରି ଆଲୋଚନା ସଲାସୁତୁରା

ହାସଲ କରିବା ରକ୍ତ ଢାଳି ଦେଇ

ଅତ୍ୟାଚାର କିଆଁ ସହିବା ଭଲା ।

ଅନ୍ୟାୟ ଅସତ୍ୟ ସହିତ ସାଲିସ

କର ନାହିଁ ପ୍ରିୟ ଭାରତବାସୀ

ସିଂହାପୁର ଦେଇ ରେଙ୍ଗୁନ କୋହିମା

ଗର୍ଜିଲା ଇମ୍ଫାଲ ଭାରତେ କ୍ରାନ୍ତି ।

ଅରାତି ବିଦେଶୀ ହେଲା ଥରହର

ଜାଗିଉଠିଥିଲା ପ୍ରାଣ ସ୍ପନ୍ଦନ

ତେଜିଥିଲା ଶିଖା ଭାରତ ଛାଡ଼ର

ଜଳିଲା ମଶାଲ ମୁକ୍ତି ସ°ଗ୍ରାମ ।

ତୁମରି ଆଦର୍ଶ ବୀରତ୍ୱ ସାହସ

ଦେଶପ୍ରେମ ତ୍ୟାଗ ଓ ବଳୀଦାନ

ଲିପିବଦ୍ଧ ହୋଇ ରହିଛି ରହିବ

ସ୍ୱର୍ଣ୍ଣ।ଭ ଅକ୍ଷରେ ଚିର ଅମ୍ଳାନ ।

ତୁମ ପଳାୟନ ଦୁର୍ଘଟଣା ମୃତ୍ୟୁ

ମିଥ୍ୟା ପ୍ରହେଳିକା ଉଦ୍ଦେଶ୍ୟପୂର୍ଣ୍ଣ

ପ୍ରକାଶେ ଶୈ।ର୍ଯ୍ୟତା ଶୁଭ ଆବିର୍ଭାବ

ପରାକ୍ରମ ଲଗ୍ନ ଜନମଦିନ ।

କୋଟି ପ୍ରଣିପାତ ନେତାଜୀ ସୁଭାଷ

ତୁମରି ଉଦ୍ଦେଶ୍ୟେ ଶ୍ରଦ୍ଧାସୁମନ

ଯଶୋଦେହୀ ତୁମେ ଅକ୍ଷୟ ଅନନ୍ୟ

ହୁଅ ବାରବାର ଭାରତେ ଜନ୍ମ ।

  -------