ନବଯୌବନ ଦର୍ଶନ
ନବଯୌବନ ଦର୍ଶନ
ନବ ଯଉବନ ପ୍ରାପ୍ତ ଦାରୁ ଦିଅଁ
ବିଜେ ରତ୍ନ ସିଂହାସନ
ନେତ୍ରଲାଗି ଯୋଗେ ବ୍ରହ୍ମତେଜ ମୂର୍ତ୍ତି
ଉଦିତ ସୂର୍ଯ୍ୟ ନବୀନ ।
ଅଣସର ଘରେ ନିଭୃତ ସେବାରେ
ଜ୍ଜ୍ୱର ତାପ ଉପଶମ
ହେବ ନେତ୍ରଲାଗି ଯାତ୍ରା ନବଦିନ
ଆୟୋଜନ ଉପକ୍ରମ ।
ସିଂହାସନ ପା6ର୍ଶ୍ବ ଦତ୍ତ ମହାପାତ୍ର
ପାତି କଜ୍ଜ୍ୱଳ ଅଞ୍ଜନ
ରୈ।ପ୍ୟ ବାଟିକାରେ ହେବ ସୁପ୍ରସ୍ତୁତ
ଦିଅ ଲାଗି ସମର୍ପଣ ।
ତିନି ପୂଜାପଣ୍ଡା ତିନୋଟି କାଠିରେ
ପ୍ରଲେପିବେ ସବିଧାନ
ଅର୍ଘ୍ୟ ଦୀପ ଧୂପ ଉଚ୍ଚାଟିତ ମନ୍ତ୍ରେ
ଜ୍ୟୋତି ହେବ ଆରୋପଣ ।
ଷୋଡ଼ଶୋପଚାର ପୂଜା ଅରଚନା
ବଢିଲେ ସକାଳ ଧୂପ
ଅନୁମତି ନେଇ ଫିଟିବ ଶ୍ରୀ ଅଙ୍ଗୁ
ଆଜ୍ଞାମାଳ ଶୁଭ ପୁଷ୍ପ ।
ଜୟ ଓ ବିଜୟ ସିଂହଦ୍ୱାର ଦେଇ
ଛତ୍ର କାହାଳୀ ସହିତ
ଶ୍ରୀମନ୍ଦିର ଠାରୁ ରଥ ଖଳା ଯାଏ
ବାଜୁଥିବ ତୂରୀ ଘଣ୍ଟ ।
ଆଜ୍ଞାମାଳ ବନ୍ଧା ହୁଏ ତିନି ରଥେ
ସିଂହଦ୍ୱାର ଆଗୁସାର
ଚାଙ୍ଗଡ଼ା ମେକାପ ପାତିନି ଶାଢ଼ୀକୁ
ବାନ୍ଧନ୍ତି ତିନି କଳସ ।
ପ୍ରତିପଦ ଦିନ ପଡେନି ପହୁଡ଼
ଚାଲିଥାଏ ନୀତିକାନ୍ତି
କୋଠ ସୁଆରିଆ କଳସକୁ ନେଇ
ରଥ ଉପରେ ବାନ୍ଧନ୍ତି ।
ଆଷାଢ଼ ଦ୍ୱିତୀୟା ପବିତ୍ର ତିଥିରେ
ଶ୍ରୀଗୁଣ୍ଡିଚା ରଥଯାତ୍ରା
ବାମନ ରୂପରେ ଶ୍ରୀ ଜଗନ୍ନାଥଙ୍କ
ଦିବ୍ୟ ଅନୁପମ ଲୀଳା ।
କଲେ ଦରଶନ ଚତୁର୍ଦ୍ଧାମୂରତି
ସୁନ୍ଦର ଚକାନୟନ
କୋଟି ଜନ୍ମ ପାପ ହୁଅଇ ହରଣ
ମିଳେ ଶାନ୍ତି ମୁକ୍ତି ପୁଣ୍ୟ ।