Library
ନାରୀର ଅନ୍ତଃସ୍ୱର
ନାରୀର ଅନ୍ତଃସ୍ୱର
ନାରୀ ସୃଷ୍ଟିରେ ହେଉଛି ସର୍ବୋତ୍ତମ
ସୃଷ୍ଟି ପରା
ସେ ଅଟଇ ପ୍ରେମ ତ୍ୟାଗ ଓ ତୃପ୍ତିର
ତରଙ୍ଗିଣୀ ଧାରା |୧|
ଜନନୀ ଭଗିନୀ କନ୍ୟା ଜାୟା ରୁପ
ନାରୀର ଅଟଇ
କେବେ କଳ୍ପନାରେ ପୁରୁଷ ଓ ନାରୀ
ବିନା ସୃଷ୍ଟି ହୁଏ ନାହିଁ |୩|
ମାତା ରୂପେ ପ୍ରତ୍ୟେକ ନାରୀ
ତା ଶିଶୁର ଅନ୍ନଦାତ୍ରୀ
ଭଉଣୀ ରୂପେ ନାରୀ ପୁରୁଷ ପାଇଁ ସଦା
ସ୍ନେହ ସୁଖ କାମନାରେ ବ୍ରତୀ |୫|
ମୋ ଓଡିଶା ପ୍ରଦେଶେ ଜଗନ୍ନାଥ ଆମ
ସବୁ଼ଠୁ ବଡ ଠାକୁର
ଜଗନ୍ନାଥ ସାଥିରେ ସର୍ବଦା ସ୍ଥାନ ଥାଏ
ସୁଭଦ୍ରା ଭଉଣୀର |୬|
ଜାୟା ରୂପେ ନାରୀ ରହେ ସବୁବେଳେ
ପତି ସୁହାଗିନୀ ଓ ଗୃହିଣୀ
କନ୍ୟା ରୂପେ ଗୃହକୁ ସଜାଡି ସେନେହ
ଭକ୍ତି ଢାଳି ହୁଏ ଉତ୍ତମ ବିନ୍ଧାଣୀ |୭|
ମାର କୋଳକୁ ଛୁଇଁ ମଣିଷ ତାର କୁଆଁ
କୁଆଁ ରାବେ ଆଖି ଖୋଲିଲା
ତାହାର ଯୋଗୁ ଜୀବନରେ ପହିଲି ଆଲୁଅ
ଦେଖି ଆଦ୍ୟ ସ୍ୱର ଉଚ୍ଚାରିଲା |୮|
ନାରୀ ସଦା ନୀତି ଶିକ୍ଷା ଦେଇ ସନ୍ତାନର
ହୁଏ ପ୍ରଥମ ଗୁରୁ
ଏ ସବୁ ଜାଣି ହେ ପୁରୁଷ ଜାତି କୁହ କିପରି
ତାକୁ ଅସମ୍ମାନିତ କରୁ |୯|
ପ୍ରସିଦ୍ଧି ଲଭିଥିଲେ କେତେ ନାରୀ ଗାର୍ଗୀ
ମୈତ୍ରେୟୀ ଲୋପାମୁଦ୍ରା
ଜାଣୁ ଇତିହାସେ ମୀରା ପଦ୍ମିନୀ ଦୁର୍ଗାବତୀ
ଲୀଳାବତୀ ଓ ସଂଘମିତ୍ରା |୧୦|
ଜ୍ଞାନର ପ୍ରତୀକ ରୂପେ ପୁଜୁ ଦେବୀ ସରସ୍ୱତୀ
ଯେଣୁ ଜ୍ଞାନ ଦାତ୍ରୀ
ବନ୍ଦନୀୟା ବହୁ ନାରୀ ଯଥା ଦ୍ରୌପଦୀ ଅନସୂୟା
ସୀତା ଓ ସାବିତ୍ରୀ |୧୧|
ନାରୀ କୁସୁମ ପରି କୋମଳ ଦରକାର ବେଳେ
ବୀରତ୍ୱର ଅଛି ବାଣୀ
ମା କାଳୀ ରୂପେ ନାରୀ ପ୍ରତି ବିପଦରେ ହୁଏ ସେ
ସଂହାର କାରିଣୀ |୧୨|
ଚିକିତ୍ସକ ସୁସାହିତ୍ୟିକ କୁନ୍ତଳା ସାବତ ଫୁଲେ
ନାରୀ ଶିକ୍ଷାର ପ୍ରସାର କରିଥିଲେ
ଯେଉଁମାନଙ୍କ ପାଇଁ ଆଜି ନାରୀ ପୁରୁଷ ଠାରୁ
ରହିଛି ଆଗେ ଶିକ୍ଷା ଦୀକ୍ଷାରେ |୧୩|
ରାଣୀ ଲକ୍ଷ୍ମୀବାଇ ତୁଳସୀମୁଣ୍ଡା ମଦର ଟେରେସା
ଭଳି ନାରୀଙ୍କ ଦେଶରେ
ନାରୀ କିପରି ହୁଏ ଅସମ୍ମାନିତ କେଉଁ କାରଣରୁ ଏ
ସମାଜ କଳୁଷିତ ହୋଇଛିରେ |୧୪|
ରାମ ମୋହନ ରାୟ ଫକୀର ମୋହନ ମଧୁସୁଦନ
ପରି ଦେଶର କେତେ ପୁରୁଷ ଜାଣିଥିଲେ
ନାରୀ ହେଲେ ପାଠୋଇ ଦେଶ ଆଗେଇବ ଦେଶ
ପଛରେ ପଡିବ ସେ ଅଶିକ୍ଷିତ ହେଲେ |୧୫|
ଯୁଗ ଥିଲା ସମାଜରେ ନାରୀଟିଏ ଯେବେ ଘରେ
ଜନମ ହେଉଥିଲା
କମନୀୟା ସୁରଭିତା ନାରୀ ପାଇଁ ପ୍ରୀତି ମହ୍ଲାର
ଓ ଶାନ୍ତିର ଗଜଲ ବୋଲା ଯାଉଥିଲା |୧୬|
ବିଶ୍ୱାସ ଓ ବଳିଦାନର ଶବ୍ଦକୁ ନିଜର ଧରମ
ଭାବି ଗଢିଛି ସେତୁ ସମ୍ପର୍କର
ନାରୀ ଗାଇ ଚାଲିଛି ଜୀବନ ସଙ୍ଗୀତ ପାଥେୟ
କରି ନିଜର ଶଙ୍ଖା ଓ ସିନ୍ଦୂର |୧୭|
ନାରୀ ଫୁଟାଇଛି ସମାଜେ ଖେଳାଏ ହସଖୁସି
ତାର ସ୍ନେହ ଓ ଶ୍ରଦ୍ଧା ଭାବନାରେ
ଦଧିଚି ହୋଇ ତ୍ୟାଗ କରି ଚାଲିଛି ତାର ଅସ୍ଥିକୁ
ସୁଖର ସବୁଜିମା ଭରିବାକୁ ସମାଜରେ |୧୮|
କେଉଁ କଳୁଷ ମନରେ ସେହି ଦୁହିତା ଆଜ
ରହେ ସଦା ଅସୁରକ୍ଷିତା
ନାରୀର ଅନ୍ତଃସ୍ୱର କେବେ ମାତୃ ଗର୍ଭରେ
ନାରୀର ହୋଇବନି ହତ୍ୟା |୧୯|
ନାରୀର ଅନ୍ତଃସ୍ୱର କେବେ ସମାଜେ ନାରୀର
ହୋଇବନି ଆଉ ବସ୍ତ୍ରହରଣ
ଟଙ୍କା ସୁନା ଯୌତୁକ ପାଇଁ ନାରୀଟିଏକୁ କେବେ
ଦେବାକୁ ପଡିବନି ଜୀବନ |୨୦|
