ନାଲି ରକ୍ତ

ତୋ ଦେହେ ବି ମାେ ଦେହେ ବି

ପୁଣି କି ତାରତମ୍ୟ

ଦୁହେଁ ପୁଣି ମଣିଷ

ପୁଣି କାଇଁ ରକ୍ତ ଖୋଜା ପଡେ 

ତାଜା ତାଜା ନାଲି ରକ୍ତ ଧାରୁଆ ତରବାରୀ ଦେହରେ

ସାମାନ୍ୟ ଧାର କଣ ଯଥେଷ୍ଟ ପ୍ରମାଣ

ଯେତେ ସବୁ ରଙ୍ଗର ଶରୀର 

ନାଲି ରକ୍ତ ସଭିଙ୍କର

ପୁଣି କାଇଁ,

ଧର୍ମ ନାଆଁରେ ,ଜାତି ନାଆଁରେ

ଧନୀ ଗରିବ ତଉଲୁଛ

ଦେଶ ଦେଶରେ ସୀମା ସରହଦ ଟାଣି

କାଇଁ ପଚାରୁଛ ରକ୍ତର ରଙ୍ଗ କଣ ନାଲି

ପ୍ରମାଣ ମାଗି କେତେ ମୁଣ୍ଡ କାଟ

ଏଯାଏ କଣ ତୁମେ ରକ୍ତ ପିପାସୁ ମଣିଷଖିଆ ରାକ୍ଷସ

ସବୁ ଆମର,

ତୁମେ ବି ଆମର, ଆମେ ଏ ଦେଶର

ଅମୃତ ସନ୍ତାନ

ଛୋଟ ବେଳେ ଶୁଣିଥିଲି 

ବୋଉ ବୋଧେ କହିଥିଲା

ମଣିଷ ଅମୃତର ସନ୍ତାନ 

ଅମୃତର ରଙ୍ଗ ଧଳା 

ଆଉ ନାଲି ରକ୍ତର ରଙ୍ଗ

ମୁଁ କହିବିନି, ଏଥର ତୁମେ କହିବ !!!!!