ଲାଇବ୍ରେରୀ
ପ୍ରୋଫାଇଲ୍
ନାହିଁ ଆଉ ବାଘ ଜାଡ
ନାହିଁ ଆଉ ବାଘ ଜାଡ
1 min
118
ମକର ଗଲାଣି ଶୀତ ଫେରିଲାଣି
ଖରା ଆସିଲାଣି ମାଡ଼ି
କମ୍ବଳ,ସ୍ବେଟର ଲୋଡା ନାହିଁ ତା'ର
ମନଟା ଗଲାଣି ଛାଡ଼ି
ଉତ୍ତରାୟଣରେ ସୂରୁଜ ଯାଆନ୍ତେ
ଦିନ ହୋଇଲାଣି ବଡ଼
ଦିନୁଦିନ ତେଜ ହୁଅଇ ପ୍ରଖର
ଦେହକୁ ଦେଲାଣି ମାଡ଼
ଜ୍ଞାନ ପ୍ରଦାୟିନୀ ଅଭୟ ଦାୟିନୀ
ସଜେଇ ହେଲେଣି ଦେଖ
ଶିକ୍ଷା ଅନୁଷ୍ଠାନେ ଲଭିବେ ଆନନ୍ଦେ
ଶିଶୁଙ୍କ ଗହଳି ସୁଖ
ମାଘ ସପତମି ମେଳା ଲାଗିବଲୋ
ମୁହଁ କରିଦେବ ରଙ୍ଗା
ସଜନୀ ମୋହର ଆଗୁ କହିଲାଣି
ଯିବ ବୁଲି ଚନ୍ଦ୍ରଭାଗା
