ଲାଇବ୍ରେରୀ
ପ୍ରୋଫାଇଲ୍
ନାହାନ୍ତି ତ ପ୍ରଭୁ ନାହାନ୍ତି
ନାହାନ୍ତି ତ ପ୍ରଭୁ ନାହାନ୍ତି
1 min
145
ନାହାନ୍ତି କେ ଏଠି ନାହାନ୍ତି
ମୋ ପ୍ରଭୁ ପରିକେ ନାହାନ୍ତି
ନାହାନ୍ତି ତ ପ୍ରଭୁ ନାହାନ୍ତି
ରତ୍ନ ସିଂହାସନେ ନାହାନ୍ତି. l0l
ଦ୍ୱାପର ଯୁଗରେ ଗୋପୀ ସ୍ନାନ କାଳେ
ଦେଖୁଥିଲେ ପ୍ରଭୁ ଲୁଚି ଅନ୍ତରାଳେ
ଗୋପୀ ଅନୁରୋଧେ କଳିଯୁଗେ ପ୍ରଭୁ
ସ୍ନାହାନ ବେଦୀରେ ସ୍ନାନ କରୁଥିବୁ
ଜଗତ ସାରା ତ ଦେଖନ୍ତି. l1l
ଶୀତଳ ଜଳରେ ସ୍ନାହାନ ସାରିଲେ
ଶ୍ରୀ ଅଙ୍ଗେ କମ୍ପନ ଖେଳିଯାଏ ଜ୍ୱରେ
ଥରି ଥରି ପ୍ରଭୁ ରତନ ପଲଙ୍କେ
କମ୍ବଳ ଘୋଡେଇ ଶୁଅନ୍ତି ଆତଙ୍କେ
ବଇଦ ସେବାରେ ଲାଗନ୍ତି. l2l
ବରଷ ଯାକର କଠିନ ଶ୍ରମରୁ
ବିଶ୍ରାମ ନେବାକୁ ସଂସାର ଜଞ୍ଜାଳୁ
ଚଉଦ ଦିନ ସେ ଅଣସରେ ରହି
ସବୁ କାମ ଧନ୍ଦା ପଛରେ ପକାଇ
ରତନ ପଲଙ୍କେ ଶୁଅନ୍ତି. l3l
