ନାଗରିକ
ନାଗରିକ
ସମାଜ ଜାତିର ମେରୁଦଣ୍ଡ ଅଟେ
ସୁଚିନ୍ତକ ନାଗରିକ :
ସତ୍ୟ,ନ୍ୟାୟ ଧର୍ମେ ଦୟା କ୍ଷମା ପ୍ରେମେ
ହୁଅଇ ଦେଶ ସେବକ :
ଆତ୍ମ ତ୍ୟାଗ ଜ୍ଞାନ ଶୃଙ୍ଖଳା ଜୀବନ
କରଇ ସେ ଜାଗରିତ :
ସଂଯମତା ପୂର୍ଣ୍ଣ କର୍ତ୍ତବ୍ୟରେ ଧ୍ୟାନ
କରେ ପ୍ରାଣେ ପୁଲକିତ :
ଜାତି ପ୍ରୀତି ପ୍ରେମ ଆଦର୍ଶ ଜୀବନ
ପାଳି ନୀତି ପ୍ରତି ଦିନ :
ଦେଶର ଉର୍ନ୍ନତି ଅନ୍ତରେ ଭକତି
ଚିତ୍ତରେ କରଇ ଧ୍ୟାନ :
ନାଗରିକ ଚିତ୍ତ ପଥ ପ୍ରଦର୍ଶକ
ଥାଏ ଆତ୍ମ ବଳି ଦାନ :
ପଲ୍ଲୀରୁ ନଗରୀ ଦେଶରୁ ବିଦେଶ
ମନ ପ୍ରାଣେ ଅନୁଦାନ :
ଦୃଢ ମନୋବଳ ଈଶ୍ୱର ବିଶ୍ୱାସ
ବଦଳାଏ ଗତି ପଥ :
ଦେଶର କର୍ତ୍ତବ୍ୟ ଜାତି ର ମହତ୍ୱ
ସଚ୍ଚା ଚାଳକର ମତ :
ନିଜ ଅଧିକାର ସାବ୍ୟସ୍ତ ପୂର୍ଵରୁ
କର୍ତ୍ତବ୍ୟ କର ପାଳନ :
ତେବେ ଯାଇ ଦେଶ ଉର୍ନତ ପ୍ରଖର
ହେବ ତାଙ୍କର ସନ୍ତାନ :
ସ୍ୱଦେଶର ପ୍ରୀତି କର ହେଜାଗୃତି
ମନ ପ୍ରାଣ ତାକୁ ଦେଇ :
ତା' ପାଣି ପବନେ ଗଢାଏ ଶରୀର
ହଜି ମଜିଯାଅ ତୁହି :
ଗାନ୍ଧୀ ଗୋପବନ୍ଧୁ ଅନ୍ତରର ସିନ୍ଧୁ
ଯେପରି କରିଲେ କର୍ମ :
ତାଙ୍କ ନାମ ଧରି ଭାବନାରେ ଭରି
ସେହିତ ଜୀବନ ମର୍ମ :
ସତ୍ୟ ପଥେ ତୋର ମନ ବିତାଇବୁ
ହୋଇଣ ସୁନାଗରିକ :
ଦେଶର ଆଦର୍ଶ ଜାତିର ମହକ
ହେବୁରେ ପରିଚାଳକ :