ନାଚବାଲି
ନାଚବାଲି
ତୁଚ୍ଛା ନାଚବାଲିଟେ
ଅହ ରହ ନାଚୁଛି
ପାଦରୁ ରକ୍ତ ବୋହି
ମୋ ଛାତି ଛୁଇଁବାଯାଏ।
ସେମାନେ କହିଲେ
ନାଚେ ଝିଅ ନାଚେ।
ନାଚୁଛି :
କଥକଲି
ଓଡିଶୀ
ବିହୁ,ଛଉ,ଘୁମୁରା,ଦାଣ୍ଡିଆ
ଭାରତ ନାଟ୍ୟମ
କେବେ ପୁଣି
ବେଲି,ସାଲ୍ସା, ଡିସ୍କୋ
ସେମାନେ ଖୁସି ଫୁଲ ଘୋଡେଇ ହେବେ ବୋଲି।
ସମୟ:
ଭୋର ପାଞ୍ଚଟାରୁ
ରାତି ଅନିର୍ଦ୍ଦିଷ୍ଟ ଘଣ୍ଟା ଟଙ୍ଗ୍ ଟାଙ୍ଗ୍
ଶୁଭିବାଯାଏ।
ମଞ୍ଚ:
ଘର
ରୋଷେଇ ଘର
ଠାକୁର ଘର
ପିଲାଙ୍କ ପଢା ଟେବୁଲ
ଡାଇନିଂ ଟେବୁଲ
କର୍ଯ୍ୟାଳୟ
ବେଡ୍ ରୁମ୍
ଏବଂ ଡାଇରୀ ପୃଷ୍ଠା।
ଆରମ୍ଭ:
ଏନ୍ତୁଡ଼ି ଶାଳରୁ
କୋକେଇରେ ବୋହୁ ହେବା ପର୍ଯ୍ୟନ୍ତ।