ମୂହୁର୍ତ୍ତ

ସମୟର ସ୍ରୋତ ହୁଏନା ବିରତ

    ବହିଚାଲେ ଅବିରତ

ଚାଲଇ ଆଗକୁ ଫେରେନା ପଛକୁ

    ଏହି ସମୟର ସ୍ରୋତ ।

ମୂହୁର୍ତ୍ତ ମୂହୁର୍ତ୍ତ ସମୟକୁ ନେଇ

    ଦିନ,ମାସ,ବର୍ଷ ଗଢ଼ା

ମୂହୁର୍ତ୍ତ ସମୟ ହରାଇଲେ ହୁଏ

    ସୁଯୋଗର ହାତ ଛଡ଼ା ।

ଏହି ସମୟଟି ପ୍ରତିଟି ଜୀବନେ

    ଅଟଇ କେତେ ଗୁରୁତ୍ବ ।

ଏହିତ ଜୀବନେ ହାରିବା ଜିତିବା

    ସବୁତକ ଥାଏ ରହି

ଘଟଣା ଅଥବା ଅଘଟଣ ସବୁ

    ଘଟେ ମୂହର୍ତ୍ତକ ପାଇଁ ।

ମୂହୁର୍ତ୍ତକ ପାଇଁ ସବୁ ଶେଷ ହୁଏ

    ହେଲେ ଅସାବଧାନତା ।

ମୂହୁର୍ତ୍ତଟି ଭାବି କର୍ମ କରିବାକୁ

    ଅବହେଳା ନ କରିବା

ସମୟକୁ ନେଇ ଜୀବନ ଯାତ୍ରାରେ

    ସଦୁପଯୋଗ କରିବା ।

ସମୟର ମୂଲ୍ଯ ବୁଝିଲେ ଜୀବନେ

    ସବୁ ହୁଏ ଅବଗତ ।