ମୁଠାଏ ମାଟି
ମୁଠାଏ ମାଟି
ମୋ ମନ କହୁଛି ଆଜିବି ବଂଚିଛି
ମୋ ଦେଶରେ ସ୍ୱାଭିମାନ
ମୁଠାଏ ମାଟିରେ ଭାଗ୍ୟ ଯା ଲେଖାଇ
ନିଜ ଦେଶ ଅଭିମାନ ।
ଯେଦେଶେ ଜନ୍ମିତ ବାଜି ରାଉତ ଜେ
ଝାନ୍ସୀ ରାଣୀ ଲକ୍ଷ୍ମୀ ବାଇ
ସେ ଦେଶ ମଣିଷ ଭୀରୁ ନୁହଁ କେବେ
ସ୍ୱାର୍ଥ ସାଧନର ପାଇଁ ।
ଆସୁ ପଛେ ଦୁଃଖ ଆସୁ ତ ଦୁର୍ଦ୍ଦିନ
ହାରିବା ଯାତକେ ନାହିଁ
ଓଡ଼ିଆ ପୁଅର ଉଷୁମ ରକ୍ତରେ
ପରାଜୟ ଲେଖା ନାହିଁ ।
କେତେ କେତେ ଦୁଃଖେ କେତେ ଦୁର୍ଦ୍ଦଶା
ଜୀବନ ଯାଇଛି ହଜି
ହଜିନାହିଁ କେବେ ନିଜ ସ୍ୱାଭିମାନ
ଭାଙ୍ଗି ପଡିବା ନି ଆଜି l
ଯେଦେଶ ସଂସ୍କୃତି ସବୁଦିନ ପାଇଁ
ଅନ୍ୟକୁ ଦେଖାଏ ବାଟ
ସାହାଯ୍ୟର ହାତ ଅନ୍ୟକୁ ବଢାଏ
ଅନ୍ୟର ଚାହେଁ ସେ ହିତ l
ଅହଙ୍କାରୀ ନୁହଁ ମୋ ଦେଶ ଜନତା
ସହାୟକ ହୁଏ ସେତ
ଶତ୍ରୁଟିଏ ଯେବେ ବଢାଏ ତା ହାତ
ହସି କରେ ଆମନ୍ତ୍ରିତ l
ମୋ ଦେଶ ସଭ୍ୟତା ଶିଖାଏ ନି କେବେ
ଅନ୍ୟକୁ ଦେବାକୁ ଦୁଃଖ
ନିଜେ ଦୁଃଖେ ରହି ଅନ୍ୟ ପାଇଁ ସଦା
ସବୁ କରେ ସମର୍ପିତ l