ମୁଁ ତ ଜାଣିନି ପୂଜାର ମନ୍ତର
ମୁଁ ତ ଜାଣିନି ପୂଜାର ମନ୍ତର
ମୁଁ ତ ଜାଣିନି ପୂଜାର ମନ୍ତର
ଅରଚନା ପୂଜାବିଧି
ହେ ଜଗନ୍ନାଥ କାଳିଆ ଠାକୁର
ଜଣାଉଛି ହାତଯୋଡି ।
ତୁମରି ଭିଆଣ ଏ ସାରା ଜଗତ
ନିମିତ୍ତ ମାତ୍ରକ ମୁହିଁ
ଘନ ଅନ୍ଧକାରେ ଦିଗହରା ମୁଁ ଯେ
ପଥ ଖୋଜି ପାଏ ନାହିଁ
ହୁଅନ୍ତୁ ସଦୟ ପ୍ରଭୁ ଆଦିମୂଳ
ନ ଯାଏ ମୁଁ ପଥ ହୁଡ଼ି ।
ହେ ଜଗନ୍ନାଥ------
ଏ ଭବ ସଂସାରେ ତୁମେ ମହାପ୍ରଭୁ
ମୁକ୍ତି ମୋକ୍ଷ ପ୍ରଦାୟକ
ତୁମ କୃପା ବଳେ ପଙ୍ଗୁ ଲଙ୍ଘେ ଗିରି
ଜୀବନ ହୁଏ ସାର୍ଥକ
ଶତ ଝଡ଼ ଝଞ୍ଜା ବାଧା ବିଘ୍ନେ ପ୍ରଭୁ
ନାମ ହେଉ ଜପାମାଳୀ ।
ହେ ଜଗନ୍ନାଥ----
ତୁମେ ବର୍ତ୍ତମାନ ଅତୀତ ଅନନ୍ତ
ତୁମେ ନାଥ ଭବିଷ୍ୟତ
କୋଟି ସୂର୍ଯ୍ୟପ୍ରଭ ପରମ କାରଣ
ଜୀବନ ଶକତି ଉତ୍ସ
ନାଶ ଅନ୍ଧକାର ପ୍ରକାଶ ପ୍ରଭୁ ହେ
ଅମୃତ ବିଭୂତି ଜ୍ୟୋତି ।
ହେ ଜଗନ୍ନାଥ-----
---