Click here for New Arrivals! Titles you should read this August.
Click here for New Arrivals! Titles you should read this August.

Ashutosh Swain

Abstract


4.4  

Ashutosh Swain

Abstract


ମୁଁ ପିଞ୍ଜରାର ପଶୁଟିଏ

ମୁଁ ପିଞ୍ଜରାର ପଶୁଟିଏ

1 min 32 1 min 32

ମୁଁ ପିଞ୍ଜରାରେ ବନ୍ଦୀ ପଶୁଟିଏ

ଲୌହଶୃଙ୍ଖଳରେ ବନ୍ଧାପଡିଛି

ଜଳଜଳ କରି ବାହାରକୁ ଚାହୁଁଚି

ଦୁନିଆଁକୁ ଚିହ୍ନିବାକୁ ଚେଷ୍ଟାକରୁଛି

ବଡ ଅଡୁଆ ଏ ସଂସାର ଫନ୍ଦା

ୟାକୁ ବୁଝିବାଟା ବିଷମ ଧନ୍ଦା

ମୁକୁଳିବାକୁ ବ୍ୟାକୁଳିତ

ହେଲେ ଉପାୟଶୂନ୍ୟ , ପଥଶୂନ୍ୟ

ଏ ଜାଲିରେ ଘଷି ହେଇ ହେଇ

ମୁଁ ଆଜି ରକ୍ତାକ୍ତ

କିନ୍ତୁ କୌଣସି ପ୍ରତିବାଦ ନାହିଁ

କାରଣ ମୁଁ ଅକ୍ଷମ

ପରାଧିନତାର ବେଡିରେ ଛନ୍ଦୀ ହୋଇଛି

କେହିକେହି ବିସ୍କୁଟ୍ ଖଣ୍ଡେ ତ

କିଏ ଆଉ ପକେଇଦଉଛି

ଇଛା ନଥିଲେ ବି ସେଥିରେ ଖୁସି 

ହେବାକୁ ପଡୁଛି

ଭାଗ୍ୟର ବିଡମ୍ବନା

କିଏ ବା ଚାହେଁ ବନ୍ଦୀ ଜୀବନ ?

କହାର ବା ଇଛା ଦାସତ୍ୱ କରିବାକୁ ?

କେତେଦିନ ଆଉ ଚାବୁକ ପାହାର ଖାଇବି

ଆଉ ଯନ୍ତ୍ରଣାରେ ଜର୍ଜରିତ ହେଉଥିବି

ପୁଣି ଲୁହ-କୋହକୁ ଚାପିରଖିବି

ଏମିତି କଣ ହାସ୍ୟାସ୍ପଦ ହଉଥିବି

ପରହାତ ଟେକାକୁ ଚାହିଁରହିଥିବି

ଏଠି ମୋ ଦୁଃଖର ଫରକନାହିଁ

ଅଧିକ ଖୁସି ହେଇପାରୁନି

କାରଣ ଏ ସମୟ ରହିବନି

ସୁଖ ବି କାହାପାଇଁ

ମାଗିଆଣିଥିବା ତୁଣ ସୁଡୁକାଏ ।

ମନରେ ରାଗ ବି ନାହିଁ

କାହାଉପରେ ବା ରାଗିବି

ନିଜ ଭାଗ୍ୟ ଛଡା କାହାକୁ ଦେବି ଦୋଷ

ତଥାପି ଇଛା ଏ ବେଡିରୁ ମୁକ୍ତି ପାଇଁ

ନିଜର ଗୋଟେ ଦୁନିଆଁ ଅନ୍ୱେଷଣରେ

ଯଉଠି ନଥିବ ହିଂସା ଆଉ ମାୟା

ସବୁଜ ଲତା ଗହନରେ ଘୂରିବୁଲିବି

ନଥିବ କାହାର ଭୟ

ସ୍ୱାଧିନତାର ସ୍ୱାଦ ଚାଖିବି

ଭୋକଉପାସ ହେଉ ପଛେ

ଏ ନର୍କରୁ ମୁକ୍ତି ପାଇଯାଏ ॥



Rate this content
Log in

More oriya poem from Ashutosh Swain

Similar oriya poem from Abstract