ମୁଁ କରୋନା ଯୋଦ୍ଧା
ମୁଁ କରୋନା ଯୋଦ୍ଧା
ଡରିବିନି କେବେ ଭାଙ୍ଗି ପଡ଼ିବିନି
ମୁହିଁ ତ କରୋନା ଯୋଦ୍ଧା
ଆଶା ନିରାଶାର ଦୋଛକିରେ ରହି
ଦେବି ନାହିଁ କେବେ ବାଧା...
ବିଶ୍ୱଜନ ପାଇଁ ତ୍ୟାଗିବି ଜୀବନ
ଡେଇଁ ସୀମା ସରହଦ
ମହା ସଂଗ୍ରାମର ନବ ଚେତନାରେ
ଟଳିଯିବ ଏ ବିପଦ...
କେବେ ମୁଁ ଡାକ୍ତର କେବେମୁଁ ସେବିକା
କେବେ ଅବା ପ୍ରଶାସକ କେବେ ସ୍ୱାସ୍ଥ୍ୟକର୍ମୀ
କେବେ ଆଶାଦିଦି
ଆଉ କେବେ ତ ଶିକ୍ଷକ...
କେବେ ସ୍ବେଚ୍ଛାସେଵୀ ଦରଦୀ ମଣିଷ
ମୁଁ ପୋଲିସ ଅଫିସର
କେବେସାଜେ ମୁହିଁ କରୋନା ଯୁଦ୍ଧରେ
ଆମ୍ବୁଲାନ୍ସ ଡ୍ରାଇଭର ...
ସବୁ ରୂପରେ ମୁଁ ମହାଯୋଦ୍ଧା ସାଜେ
ଏ କରୋନା ସଙ୍କଟରେ
କେବେ ଏ ଧରାରୁ କରୋନା ହଟିବ
ରହିଥାଏ ମୁଁ ଚିନ୍ତାରେ...
ଲଢ଼ୁଛି ଲଢ଼ିବି ଏ କରୋନା ଯୁଦ୍ଧେ
ଜୀବନକୁ କରି ପଣ
ହୋଇବି ବିଜୟୀ ହେବ କାଳଜୟୀ
ଶୁଝିବି ଏ ମାଟି ଋଣ...
ଲୋଡ଼ା ନାହିଁ ମୋର ପ୍ରଂଶସା ପଦକ
ନ ମିଳୁ ଆର୍ଥିକ ରାଶି
ଏ ପିଣ୍ଡରେ ପ୍ରାଣ ଥିବା ଯାଏଁ ମୁହିଁ
ଲଢୁଥିବି ଦିବାନିଶି ...