ମୁଁ ଆଉ ତୁମେ
ମୁଁ ଆଉ ତୁମେ
ମୁଁ ଜାନୁଆରୀ ତୁମେ ଡିସେମ୍ବର
ଲାଗେ ଆମେ ଦୁହେଁ ପାଖରେ,
ବାସ୍ତବ ଚିତ୍ର କହେ ଆଉ କିଛି
ତୁମେ ମୁଁ ବହୁ ଦୂରରେ l
ତୁମେ ଚାଲିଯାଅ ଅନ୍ଧକାର କରି
ସ୍ମୃତି ସବୁ ବୁଣି ମନେ,
ତୁମେ ଗଲା ପରେ ମୁଁ ଆସେ ତୁମ ସ୍ମୃତି
ପାଇବାକୁ ଏ ଭୁବନେ l
କେବେ ତୁମେ ନାହଁ ମୁଁ କେବେ ନାହିଁ
ମୋ ପାଖେ ରହିଲ ନାହିଁ ,
ମୁଁ ଆସୁ ଆସୁ ତୁମେ ଚାଲିଯାଅ
ଏତେ ଘୃଣା କାହିଁ ପାଇଁ l
ଏ ଶୀତ ରାତିରେ ତୁମେ ଛାଡ଼ିଯାଅ
କାହିଁ କରି ମତେ ଏକା,
ଆସୁଛି ମୁଁ ଏକା ଜିରୋ ନାଇଟିରେ
ନିଶ୍ଚୟ ହେବ ଆମ ଦେଖା l
ଶୀତୁଆ ସକାଳୁ ଏକା ହୋଇଯିବି
ତୁମେ ଗଲା ପରେ ପରେ,
ତୁମେ କେବେ ପୁଣି ଫେରିବ ଗୋ ସାଥି
କହିଯାଅ ମତେ ଥରେ l
ମୁଁ ଆଉ ତୁମେ ଯିବା ଆସୁଥିବା
ପ୍ରତି ବର୍ଷ ପ୍ରତି ଥର,
କାରଣ ମୁଁ ଜାନୁଆରୀ ତୁମେ ମୋ
ପ୍ରିୟତମା ଡିସେମ୍ବର l