ଲାଇବ୍ରେରୀ
ପ୍ରୋଫାଇଲ୍
ମୁହଁକଥା କହେ; ଆଖି
ମୁହଁକଥା କହେ; ଆଖି
1 min
136
ତୁମ ହରିଣୀ ଆଖିରେ କେତେ ଭାଷା ସତେ
ଚଳ ଚଞ୍ଚଳ ଚାରୁ ନୟନୀ
ସେ, ଚୋରା ଚାହାଣି ରେ କେତେ ନିଶା ସତେ
ତୁକି, ଶୀତୁଆ ମହୁଲି ପାଣି
ସେଇ ଆଖିର ପଲକ କାମଫୁଲ ଶର ସତେ
ମନକୁ ନିଅଇ ଟାଣି
ତୁମ ହରିଣୀ ଆଖିରେ କେତେ ଭାଷା ସତେ
ଚଳଚଞ୍ଚଳ ଚାରୁ ନୟନୀ
ଗଭା ବିମୁଞ୍ଚିତ ଶୋଭା କେଶ ରାଶି ସତେ
ଚାରୁ ଚିତ୍ର ନୀଳ ଆକାଶ
ସେ ଆକାଶେ ଦିଶେ ତୁମରି ଆନନ ସତେ
ପୁର୍ଣିମା ଜହ୍ନ ପ୍ରକାଶ
ପ୍ରେମ ପ୍ରଣୟିନୀ ଚତୁରୀ ତରୁଣୀ, ୟେ
ମନକୁ ନେଉଛ ଟାଣି
ତୁମ ହରିଣୀ ଆଖିରେ କେତେ ଭାଷା ସତେ
ଚଳ ଚଞ୍ଚଳ ଚାରୁ ନୟନୀ
ତୁମ ଲାଳିତ୍ୟ ମଧୁର କଥାରେ ସତରେ
ସ୍ନେହ, ପ୍ରୀତି ମହୁଝରେ
ୟେ,ଆମ୍ର ପଲ୍ଲବ ଗହଳେ କୋକିଳ ସତେ
ଗାଏକି ମଧୁର ସ୍ଵରେ
ସେ ସ୍ଵରେ ବିହ୍ଵଳ କରୁ ରେ ସଜନୀ,ଧନୀ
ଆରେ ମାନମୟୀ ମାନିନୀ
ତୁମ ହରିଣୀ ଆଖିରେ କେତେ ଭାଷା ସତେ
ଚଳ ଚଞ୍ଚଳ ଚାରୁ ନୟନୀ
