ଲାଇବ୍ରେରୀ
ପ୍ରୋଫାଇଲ୍
ମୁହିଁ ପରା ତୁମ ଦାସ
ମୁହିଁ ପରା ତୁମ ଦାସ
1 min
250
ଅନିନ୍ଦ୍ୟ ସୁନ୍ଦର ମୋ କଳା ଠାକୁର
କେଡେ ମନୋହର ଦିଶ
ଚାହିଁଦେଲେ ମୁଖ ସେ କୋଟି କନ୍ଦର୍ପ
କ୍ଷଣେ ହରିଯାଏ କ୍ଲେଶ
ଭାବିଦେଲେ ଥରେ ହୃଦୟରେ ଭରେ
କସ୍ତୁରୀ ଚନ୍ଦନ ବାସ
ମନର କୁଞ୍ଜରେ ନାଚେଲୋ ଖଞ୍ଜରେ
ରସରାଜଙ୍କର ରାସ
କେଜାଣିଲୋ କାହିଁ ନିଏ ମୋତେ ମୋହି
ତୋ ଅଧା ଅଧର ହସ
ମାଗିବାକୁ ଚାହିଁ ମାଗିପାରେ ନାହିଁ
ମନଚୋର କୃତିବାସ
ଅଛି ତ ନିଶ୍ବାସ ରଖିଛି ବିଶ୍ବାସ
ପ୍ରଭୁ ମୋର ପୀତବାସ
ମାରିଲେ ମାରିବ ତାରିଲେ ତାରିବ
ମୁହିଁ ପରା ତୁମ ଦାସ
କ୍ଷମା ସିନ୍ଧୁ ମୋର କ୍ଷମା ମୋତେ କର
କରିଥାଏ ଯଦି ଦୋଷ
ପତିତ ପାବନ କରୁଣା ନିଦାନ
କରିକି ପାରିବେ ରୋଷ ?
