ମଉଡମଣୀ

ନୀଳାଚଳ ଧାମ ବଡ଼ ଠାକୁର ସେ

     ତା ମୁଖେ ଶତ ଭାନୁ

ଲକ୍ଷେ ଶାଳଗ୍ରାମ ମଉଡମଣୀ ସେ

     ଜଗନ୍ନାଥ ନାମ ତେଣୁ l0l

ହସରେ ତାର ଭକତି ଝରେ

     ଦେଖିଲେ ହୃଦ କିଣେ

ଚାହାଣି ତାର ଅତି ମଧୁର

     ଅଲିଭା ଗାର ଟାଣେ

ନାଆଁରେ ତାର ଶୀତଳ ଜୋସ୍ନା

    ତୁଣ୍ଡରେ ଧରିଲେ ଥରେ

ତା ଭାବ ସଙ୍ଗେ ଭାବ ମିଶିଲେ

    ହୃଦ ବିକେ ତା ପୟରେ

ପାଞ୍ଚ ମନ ବନ୍ଦୀ ହୁଏ, ସଂସାରୁ ମୁକତି ପାଏ

   ତା ନାମ ଶୁଣୁ ଶୁଣୁ l1l

କୋଟି ସୁରୁଜ ତା ସମ ନୁହେଁ

    ତେଜରେ ମୁଖ ଝଲସେ

ସାତ ବ୍ରହ୍ମାଣ୍ଡ ଗଢ଼ିଛି ସିଏ

    ତା ପ୍ରେମେ ଜଗତ ରସେ

ଦେବ ମାନବେ ଯକ୍ଷ ରାକ୍ଷସେ

    ଖଟନ୍ତି ପାଦ ତଳେ

ମହିମା ତାର ଅତି ଗଭୀର

   ଭାବେ ଧରଇ କୋଳେ

ଭକତିରେ ବାନ୍ଧି ନିଏ, ସବୁ ପାପ ଧୋଇଦିଏ

    ତା ନାମ ଶୁଣୁ ଶୁଣୁ  l2l