ଲାଇବ୍ରେରୀ
ପ୍ରୋଫାଇଲ୍
ମଶା
ମଶା
କିଏ ସେ କହିଛି ମଶାଗୁଡାଙ୍କର
ଜମା ବୁଦ୍ଧି ନାହିଁ ମୁଣ୍ଡରେ
ପଙ୍ଖା ଚଲେଇକି ଶୋଇଲା ପରେ ବି
କାମୁଡନ୍ତି କେଡ଼େ ଖଞ୍ଜରେ
ପଙ୍ଖା ପବନରେ କାଳେ ଉଡିଯିବେ
ଭୁଇଁରେ ଚାଲିକି ଆସନ୍ତି
ଧୀରେ ବିଛଣାରେ ଚଢି କାମୁଡିକି
ଭାରି କଲବଲ କରନ୍ତି
ମଶାରି ଟାଣିକି ଶୋଇଲା ପରେ ବି
ମଶାରି କଡରେ ଜଗନ୍ତି
ମଶାରିରେ ଯଦି ଦେହ ଲାଗିଯାଏ
ସେଇଠୁ ରକତ ଶୋଷନ୍ତି
ମଶାଙ୍କ ପାଇଁକି ଧୂଆଁ ଯଦି ଦିଅ
ସନ୍ଧି ଦେଖି ଛପିଯାଆନ୍ତି
ଧୂଆଁର ପ୍ରଭାବ କମିଗଲା ପରେ
ପୁଣି ଆକ୍ରମଣ କରନ୍ତି
ଦେହରେ ବସିକି କାମୁଡିଲା ବେଳେ
ମାରିବାକୁ ଯଦି ବସିବ
ମଶା ଉଡିଯିବେ ନିଜର ଦେହରେ
ଚାପୁଡାଟା ଖାଲି ବାଜିବ
ମଶାଧୂପଗୁଡା ଆଜିକାଲି ଆଉ
ଜମାହେଲେ କାମ କରୁନି
ମଶାଙ୍କର କାଳେ ପ୍ରତିରୋଧ ଶକ୍ତି
ଧୂପ ପାଇଁ ବଢିଗଲାଣି
ମଣିଷ ଜାତିର ବଡ ଶତ୍ରୁ ଭାବେ
ମଶା ଆଉ ମାଛି ଜାଣିବା
ମଶାଙ୍କ ଦାଉରୁ ବଞ୍ଚିବା ପାଇଁକି
ପରିବେଶ ସଫା ରଖିବା
ଡେଙ୍ଗୁ ମାଲେରିଆ ବାତଜ୍ବର ପରି
ବହୁ ମାରାତ୍ମକ ବେମାରୀ
ମଶା ଯୋଗୁଁ ବ୍ୟାପେ ମନରେ ରଖିବା
କେବେହେଁ ନଯିବା ପାଶୋରି
