ମର୍ତ୍ତେ ମନୁଷ୍ୟ ଦେହ ଧରି

ମର୍ତ୍ତେ ମନୁଷ୍ୟ ଦେହ ଧରି

ଦେବତା ହେଲେ ମଧ୍ୟ ମରି l

ରାମ ବା କୃଷ୍ଣ ରୂପଧରି

ବିଷ୍ଣୁ ଆସିଲେ ଅବତରି l

ପାପୀ ମାନଙ୍କୁ ନିଜେ ମାରି 

ଶାନ୍ତି ସ୍ଥାପନା ଥିଲେ କରି l

ମନୁଷ୍ୟ କେତେ ପୁଣ୍ୟ ବଳେ

ଜନମି ଥାଏ ଧରା ତଳେ l

ଦୁଃଖ ସୁଖକୁ ଭୋଗୀ ଥାଏ

ଜନମି କର୍ମ କରିଯାଏ l

ସତକର୍ମ କଲେ ଯାଏ ତରି

କୁକର୍ମ ହେତୁ ପାପ ଭାରି l

ଚୌ ରାଶି ଯୋନି ଭ୍ରମି ଥାଇ

ମାନବ ଜନ୍ମ ନୁହେଁ ପାଇ l

କେତେ ପୁଣ୍ୟରୁ ଏ ଜନମ,

ବୁଝିବିଚାରି କର କର୍ମ l

କର୍ମ ଫଳ କୁ ଭାବନାହିଁ

ପ୍ରଭୁଙ୍କ ହାତେ ଥାଏ ସେହି l

ଯାହାକୁ ଯାହା ଦେବା କଥା

ଦିଅନ୍ତି ଖେଳାଇ ସେ ମଥା l

ନିଜ ସ୍ୱାର୍ଥ ରେ ନୋହିବ୍ୟସ୍ତ 

ଚିନ୍ତିବ ସର୍ବ ପ୍ରାଣୀ ହିତ ll

ନବଧା ଭକ୍ତି ମାର୍ଗ ଧରି

କର୍ମ କରିବ ପ୍ରଭୁ ସ୍ମରି l

ପ୍ରଭୁଙ୍କ ନାମ ଏକା ସାର 

ହୃଦୟ ଗତେ ତାଙ୍କୁ ଧର l

ଦେହ ଟି ହେଲେ ପୁରାତନ

ଆତ୍ମା ତେଜଇ ଦେହ ଜାଣ l

ଆତ୍ମା ଅଟଇ ଅବିନାଶୀ

ନଷ୍ଟ ନହୁଏତାର କିଛି l

ଆତ୍ମା ପରମାତ୍ମା ମିଳନେ

ତରି ଯାଆନ୍ତି ନର ଗଣେ l

ପରମ ଅଂଶ ଭଗବାନ

ତାଙ୍କ ଠୁ ସବୁ ସୃଷ୍ଟି ଜାଣ l

ତାହାଙ୍କୁ ସମର୍ପି ଜୀବନ

କରିବା ଆସ କର୍ମ ମାନ ll