STORYMIRROR

Gyanaranjan Nayak

Inspirational

4.5  

Gyanaranjan Nayak

Inspirational

ମୋତେ ଛାଡ଼ି ରଥେ ନଯିବୁ କାହିଁ

ମୋତେ ଛାଡ଼ି ରଥେ ନଯିବୁ କାହିଁ

1 min
203


କରୁଣା କର ହେ,        କରୁଣା ସାଗର,

     କରୁଣେ ଚରଣେ କରେ ଗୁହାରି,

ବାରଣେ ଶରଣ,         କୁହ କି କାରଣ,

      ମରଣେ କି ମଣ ମୋକ୍ଷ ମୋହରି ।

ଜଞ୍ଜାଳ ଜାଳିଲି,         କାମନା କିଳିଲି,

      ଯନ୍ତ୍ରଣାକୁ ମନ୍ତ୍ରେ ଭେଦିଲି ଦେହେ,

ବୁଝି ମୁଁ ବୁଝାଏ,         ତୋ ଭାବେ ଲୋଭାଏ,

      ପରମ ଆନନ୍ଦ ପାଏ ତୋ ମୋହେ ।

ତୋ ମୋହେ ମୋହିତ,     ଏତେ ଯେ ମୁଁ ନାଥ,

       କ୍ଷଣେ ତୋ ବିରହ ମଣେ ମୁଁ ମୃତ,

ତୋ ବିରହ ଚିନ୍ତା,         ତୋ ଅତୀତ କଥା,

       ଆସି ମୋ ମନକୁ ନକରୁ ତିକ୍ତ ।

ଏବେ ବି ବିଷାଦେ,        ନନ୍ଦ ଓ ଯଶୋଦେ,

       ବୃନ୍ଦାବନ ଆଉ ବର୍ଷାନା ବାସୀ,

କେତେ ଭାବ ପ୍ରୀତି,        କ୍ଷଣେ ହେଲା ସ୍ମୃତି,

       ରଥେ ନେଲା ଯେବେ ଅକ୍ରୁର ଆସି ।

ରଥ ମୋ ବ୍ୟଥାର,  &nbs

p;     କାରଣ ସେ ଦିନୁ

        ନିର୍ଦ୍ଦୋଷ ଅକ୍ରୁର ପ୍ରତି ମୋ ଘୃଣା,

କଂସ ମରି ସିନା,          ପୃଥୀ ହେଲା ଶାନ୍ତ,

       ବିରହେ ମିଳିଲା ପ୍ରେମ ପାଉଣା ।

ରଥେ ବସିଗଲା,          ଆଉ ନଫେରିଲା,

       ସେ କଥା ଏବେ ବି ଯାଇନି ମନୁ,

ପୁଣି ତୁ ରଥରେ,         ଯାଇଛୁ ଏବେ ରେ,

       ଆଶଙ୍କା ଓ ଭୟେ ତୋ ଯିବା ଦିନୁ ।

ସାତ ଦିନ ହେଲା         ଗଲୁଣିରେ ଧନ,

       ତୋ ଆସିବା ବାଟ ରହିଛି ଚାହିଁ,

ସାପ କାମୁଡେ ଯା,       ପୁଅକୁ ତା ବାପା,

       ପାଳ ଦଉଡ଼ିକୁ ଦେଖି ଡରଇ ।

ମୋ ଜୀବନ ପ୍ରତି,        ଥିଲେ ତୋର ପ୍ରୀତି,

       ଆସିଲେ ଶପଥ ନେବୁ କହ୍ନେଇ,

ରଥେ ଯିବୁ ଯେବେ        କୁଆଡ଼େ ତୁ କେବେ,

       ଏକା ତୁ ନଯିବୁ ମୋତେ ନ ନେଇ ।



Rate this content
Log in

Similar oriya poem from Inspirational