ମୋହନ ମୁରଲୀ
ମୋହନ ମୁରଲୀ
ଦୂରୁ ଶୁଭୁଅଛି ସଙ୍ଗୀତ ମୂର୍ଚ୍ଛନା
ମୂର୍ଚ୍ଛନାରେ ମୂର୍ଚ୍ଛା ଯିବି
କୃଷ୍ଣ ତୁମ୍ଭ ନାମ ସଙ୍କୀର୍ତ୍ତନେ ଯେ
ଏ ଜୀବ ସମର୍ପି ଦେବି ।
ତୁଣ୍ଡେ ରଖି ଥିବି ନାମ ଅପାର ଯେ
ନାମେ ନାମେ ଭଜୁଥିବି
ପଦେ ସବୁ ପଦେ ତୁମ ଭାବ ଯେତେ
ଭକ୍ତି ସହ ନଉଥିବି ।
ଦୂରେ ଅଛ ଅବା ପାଖେ ମୋର ଅଛ
ସେ କଥା ମୁଁ ଜାଣେ ନାହିଁ
ତୁମ୍ଭ ନାମ ନେଲେ ହେ କଳା ଗୋସାଇଁ
ପାଶେ ଅଭିହିତ ହ୍ଵଇ ।
ଭାବରେ ଭାବରେ ତୁମ ମୁଖ ଭାସେ
ତୁମ ଭକ୍ତ ପାଗେଳିନି
ହେ ମୋହନ ମୁରାରି ମୁରଲୀ ର ଧ୍ୱନି
ଶ୍ରୋତ୍ରେ ଅଧିର ହେଲିଣି ।
ତୁମ୍ଭ ବଂଶୀ ସ୍ଵନେ ମୋର ପଦ ଛନ୍ଦେ
ଅନବରତ ମୋ ନୃତ୍ୟ
ଅନୁଭୂତି ଅନନ୍ୟ ଅନୁରୂପେ ତୁମ୍ଭ
ଶୋଭ୍ୟ ଭାବ ମୋର ସତ୍ୟ ।
ନିରନ୍ତର ତୁମ୍ଭେ ମନ ଉପବନେ
ଅଛ ହୋଇ ବିଦ୍ୟମାନ୍
ଯେତେ ଦୂର ଗଲେ ତୁମ୍ଭ ଭାବ ଟାଣେ
ଭାବ ତୁମ୍ଭ ମୂଲ୍ୟବାନ୍ ।
ନିରାକାର ତୁମ୍ଭେ ସର୍ବ ସ୍ଥାନେ ଅଛ
ସର୍ବକରି ଅଧିକାର
ବାୟୁରେ ବ୍ୟାପିଛ ଯୋଜନ ଯୋଜନ
ଅକଳ୍ପନୀୟ ଆକାର ।