ମୋ ସାଇକେଲ

ମୋ ସାଇକେଲ ଇଏରେ

ଦେଖିବ ଆସ କିଏରେ

ଆଜି କିଣା ହୋଇ ଅଇଲା

ଚାଲି ଚାଲି କରି ପାଠଶାଳା ଯିବା

ଏଇଠୁ ମୋହର ସଇଲା

ଦିଶୁଛି ଏ ଭାରି ବଢିଆ

ବାପା କହୁଛନ୍ତି ଚଢିଆ'

ମନ ହୁଏ ମୋର ଚଢିବି

ଗୋଟି ଗୋଟି କରି ପେଡେଲ ମାରି ମୁଁ

ଆଗକୁ ଆଗକୁ ବଢିବି

ଏଇ ମୋ ନାଲିଆ ଗାଡିରେ

ସାଇଁ ସାଇଁ ଯିବ ମାଡିରେ

ଟିଣି ଟିଣି ଘଣ୍ଟି ବଜେଇ

ଗାଆଁ ଚାରିପାଶେ ସକାଳରୁ ସଞ୍ଜ

ବୁଲିବି ମୁଁ ମନ ମଜେଇ

ଇଏ ତ ମୋ ହୀରା ରତନ

ରଖିବି ମୁଁ କରି ଯତନ

କାଦୁଅକୁ କେବେ ନେବିନି

ଆହା କି ସୁନ୍ଦର ଦେହରେ ଏହାର

ଧୂଳି ବି ଲଗାଇ ଦେବିନି

ଇଏ ଯଦି ଭଲ ଥିବରେ

ଯୁଆଡେ ଚାହିଁବି ଯିବରେ

ଖୁସି ଥିବି ଏହା ପାଇଁକି

ଜୀବନରେ କେବେ ବଡ ହେବି ହେଲେ

ଭୁଲିବି ଏହାକୁ କାହିଁକି