ମୋ ମନ ରେ ପ୍ରେମ ରଙ୍ଗ ଲାଗିଲା

ଫଗୁଣ ମାସ ଆସିଲା ଆମ୍ବ ବଉଳୀଲା

ଡାଳେ କୋକିଳ ରବିଲା

ଫୁଲ ଚନ୍ଦନ ର ସୁବାସ ଚହଟି

ଦଶ ଦିଶ ମହକିଲା ।

ବସନ୍ତ ଆସିଲା ମଳୟ ବହିଲା

ଶୋଭା ପରିପୂର୍ଣ୍ଣ ହେଲା

ସବୁ ଠାରେ ଆଜି ପବିତ୍ର ଲହରୀ

ପ୍ରବାହ ଯେ ଖେଳି ଗଲା ।

ପ୍ରୀତି ର ପ୍ଲାବନେ ଉଲ୍ଲାସ ବିଭୋର

ହେଲେ ଜନେ ସର୍ବେ ଏବେ

ଚରା ଚରେ ମାତି ଗାଉ ଛନ୍ତି ଗୀତି

ଆହ। କି ! ଆନନ୍ଦ ରବେ ।

ଉଲ୍ଲାସ ମଧ୍ୟରେ ମୁଖରିତ ଚାରୁ 

ଚମତ୍କାର ସ୍ନିଗ୍ଧ ଲୀଳା

ଦେଖି ନୃତ୍ୟ ଗୀତ ମୋ ମନ ରେ ନିତ୍ୟ

ପ୍ରେମ ର ରଙ୍ଗ ଲାଗିଲା ।