ମୋ ଜୀବନନାଥ

ମୋ ଜୀବନ ନାଥ ତୁମେ ଜଗନ୍ନାଥ

ଘେନ ମୋ ଭକ୍ତି ପ୍ରଣତି

ମୋ ସୁଖ ଦୁଃଖ ସବୁ ଜାଣୁଅଛ

ଯାହା ଘଟୁ ଅଛି ନୀତି

ତୁମକୁ ଝୁରୁଛି ସଞ୍ଜଠୁ ସକାଳ

ତୁମ ପାଇଁ ଗୁନ୍ଥି ଦିଏ ଫୁଲ ମାଳ

ମୋ ଜୀବନ ତୁମକୁ କରିଛି ଅର୍ପଣ

ତୁମରି ଚରଣେ ପଶିଛି ଶରଣ

ତୁମେ ମୋର ମାତା ତୁମେ ହିଁ ତ ପିତା

ତୁମ ବିନା ନାହିଁ ମୋର ଗତି

ମୋ ଜୀବନ ନାଥ ତୁମେ ଜଗନ୍ନାଥ....

ତୁମେ ପରା ପ୍ରଭୁ ଦୟାଳୁ ଠାକୁର

ସବୁ ଜାଣୁ ଅଛ ରହି ମୋ ଅନ୍ତର

ତୁମ ବିନା ଆଉ ଚାହେଁନି ମୁ କିଛି

ତୁମେ ହିଁ ତ ସତ୍ୟ ଏତିକି ଜାଣିଛି

କିଛି ନୁହେଁ ମୋର ସବୁ ତ ତୁମର

ତୁମେ ହିଁ ଏକା ମୋ ଶକତି

ମୋ ଜୀବନ ନାଥ ତୁମେ ଜଗନ୍ନାଥ....