ମୋ ଜୀବନ ପଛେ ନର୍କେ ପଡ଼ିଥାଉ

ଭ୍ରମାଦ ପୂର୍ଣ୍ଣ ଜଗତ ମିଥ୍ୟା ମାୟା

ପରିବାର ଆତ୍ମୀୟସ୍ୱଜନ

ସୁଖଭୋଗ ମାୟା ମରିଚୀକା,

ସଙ୍କୁଚିତ ଦୃଷ୍ଟିକୋଣ ଏ ଜଗତେ ମେଣ୍ଟେନାହିଁ 

ଆଶା ଓ ପିପାସା

ଉନ୍ମୋଚିତ ହୁଏ ନାହିଁ ସତ୍ୟ,

ରତ୍ନାକର ବଲ୍ମିକରେ ଘୋଷେ ମରା ମରା

ରାମାୟଣେ ରୂପ ପାଏ ସତ୍ୟ ରାମ କଥା ।

ଝଡ଼ ଝଞ୍ଜା ଜଞ୍ଜାଳରେ ହେଉଥାଏ ଦହଗଞ୍ଜ

ଜୀବନ ଏ ସଂସାରେ ସତତ

ହେଉଥାଏ ସତ୍ୟ ଶିବ ସୁନ୍ଦରର

ଚିରନ୍ତନ ଉଦ୍ଧାର ଓ ଉନ୍ମେଷ

ପଥ ସଦା ରହିଥାଉ ସତ୍ୟ ର ଉନ୍ମୁକ୍ତ ।

ସତ୍ୟ ଧର୍ମ ସତ୍ୟ ହିଁ ଈଶ୍ୱର

ସତ୍ୟ ପୂଜା ସତ୍ୟ ହିଁ ପ୍ରତିଷ୍ଠା,

ବଶୀଭୂତ ଜୀବନ ନ ଭ୍ରମୁ ନର୍କରେ

ଐଶ୍ୱର୍ଯ୍ୟ ଇନ୍ଦ୍ରିୟ ସୁଖ ଏ ଜଗତ ମିଥ୍ୟା,

ମୋ ଜୀବନ ପଛେ ନର୍କେ ପଡ଼ିଥାଉ

ମହାବାକ୍ୟ ନହେଉ ଅନ୍ୟଥା

ସତ୍ୟର ହେଉ ଉଦ୍ଧାର

ସତ୍ୟ ସଦା ହେଉଥାଉ ରକ୍ଷା ।