ମୋ ଜେଜେ ଙ୍କ ପାଦ
ମୋ ଜେଜେ ଙ୍କ ପାଦ
1 min
248
ଜେଜେ ମୋର ଯେତିକି ସୁନ୍ଦର
ତାଠୁ ଅଧିକ ସୁନ୍ଦର ଥିଲା,
ତମ୍ବା ପରି ଚିକ ଚିକ
ଲମ୍ବା ଲମ୍ବା ପାଦ ଦୁଇଟା l
ଖୁବ ଚାଲୁଥାଏ ବିଲ ବାଡ଼ି ଠାରୁ
କୋର୍ଟ କଚେରି,ସଭା ସମିତି
ହାଟ ବଜାର, ଅଫିସ ବାଡ଼ି
ଧାଉଁ ଥାଏ ପାଦ ଦୁଇଟା l
ମୋତେ କାଖେଇ ସ୍କୁଲନେବା ଆଣିବା
ବୋଝ ଟାକୁ ଖୁଵ ସମ୍ଭାଳି ନେଉ ଥିଲା
ସେଇ ସରଳ ପାଦ ଦୁଇଟା l
ଆଗକୁ ଆଗକୁ ଯାଉଥିଲା
ପଛକୁ କେବେ ଫେରୁ ନଥିଲା
ସେଇ ଶୁଭ ପାଦ ଦୁଇଟା l
ସଫଳତାର ପାହାଚ ଚଢ଼ୁଥିଲା
ମୋର ପ୍ରିୟ ପାଦ ଦୁଇଟା l
କେବେ ବି ଥକି ନଥିଲା,
ଉଜ୍ୱଳତା ବି କମି ନଥିଲା
ଚଳଚଞ୍ଚଳ ପାଦ ଦୁଇଟା ଥକି ଗଲା
ଯେଉଁ ଦିନ ଜେଜେ ମୋର ନିରବୀ ଗଲେ....