ମୋ ହୁର୍ଦୟ ର କଥା

ବୁଝେଇ ପାରୁନି ମନକୁ ମୋହର 

             ମନ ହୁଏ ଆନମନା,

କାହାକୁ କହିବି କିଏ ବା ଶୁଣିବ 

            ମୋର ଅନ୍ତର ବେଦନା l     

    

ହୃଦୟ କୁ ମୋର ପଚାରି ବୁଝିଲି

            କଣ ହୋଇଛି ତୋର,

କିଛି କହିଲାନି ନିରବ ରହିଲା

            ନଦେଲା ତାର ଉତ୍ତର l

ବହୁତ ବାଧିଛି ହୃଦୟକୁ ମୋର

           ଲେଖିବାକୁ ଶବ୍ଦ ନାହିଁ,

ତୁମେ ପୁଣି ମୋର ଭରସା ଭାଙ୍ଗିଲ

            କୁହ ମୋତେ କଣ ପାଇଁ l

ଲେଖିଲା ବେଳକୁ ଆଖିରୁ ମୋହର

            ଝରି ଯାଉଅଛି ଲୁହ,

କେମିତି କାହାକୁ ଏକଥା କହିବି

           ତୁମେ ଥରୁଟିଏ କୁହ l

ଏକା କରି ସବୁ ଚାଲି ଯାଉଛନ୍ତି

           କାହାକୁ ନାହିଁ ରେ ଆଶା,

ସପ୍ନକୁ ମୋହର ଚୁନା ଚୁନା କରି

           ଭାଙ୍ଗିଲ ମୋର ଭରସା l

ସଭିଙ୍କୁ ଭୁଲି ମୁଁ ଆପଣାର କଲି

          ପାଇଲି ତାହାର ଶାସ୍ତି,

ଭରସା ଭାଙ୍ଗିଲେ କେତେ କଷ୍ଟ ହୁଏ

           ଜାଣିବ ଅବା କେମତି l

କେଜାଣି ବହୁତ ମନେ ପଡୁଆଛି

           ସାଙ୍ଗ ସାଥି ପରିଜନ,

ଆଜି କାହିଁ ସବୁ ଅଲଗା ଲାଗୁଛି

           ଉଦାସରେ ଭରେ ମନ l

ଏମିତି ଭାଙ୍ଗିଛି ମେରୁଦଣ୍ଡ ମୋର

            ଉଠିପାରୁ ନାହିଁ ଜମା,

ସବୁ କଥା ଭାବି ଥରିଉଠେ ଛାତି

           ଲାଗୁଛି ଭାରି ଛାନିଆ l

କେବେ ଭାଙ୍ଗିବନି କାହାର ଭରସା

          କହୁଛି ମୁଁ ଯେ ଏତିକି,

ଭରସା ଭାଙ୍ଗିଲେ କେତେ ଯେ ଯନ୍ତ୍ରଣା

           ସିଏ ତ ଏକା ଜାଣଇ l