ସତରେ,ସ୍ୱାଧୀନ ହୋଇଛୁ ତୁହି!

#ଫ୍ରି ଇଣ୍ଡିଆ

ଆସିଛି ରେ ସ୍ୱାଧୀନତା ଦିବସ ।

ନାଚି ଉଠଇ ମୋହରି ଦେଶ ।।

୧୯୪୭ ମସିହା,ଅଗଷ୍ଟ ପନ୍ଦର ।

ସ୍ୱାଧୀନ ହୋଇଲା ଦେଶ ଟି ମୋର ।।

ସହିଦ ବୀରର ଗାଥାକୁ ନେଇ ।

ଅଗଷ୍ଟ ପନ୍ଦର ଆସିଛି ଭାଇ ।।

ମନେ ପ୍ରଶ୍ନ ମୋର ଉଠିଛି ତହିଁ ।

ସତରେ, ସ୍ୱାଧୀନ ହୋଇଛୁ ତୁହି! ।।

ତ୍ରିରଙ୍ଗାକୁ ଚାହିଁ ମନରେ ଭାବ ।

କଣସବୁ ତୁମର ଅଛି ଅଭାବ ।।

ଯେଉଁଠିକି ଗଲେ ଲାଞ୍ଚ ତ ଦେଲୁ।

ଦେଖ କିପରି ଶୋଷଣ ହୋଇଲୁ ।।

ଝିଅ ଟିଏ ଯଦି ରୁହେ ଗର୍ଭରେ ।

ଭ୍ରୁଣ ନଷ୍ଟ ହୁଏ ସେହି ଗର୍ଭରେ ।।

ନପାରେ ଯାଇ ଝିଅ ରାତ୍ରିରେ ।

କିପରି ସ୍ୱାଧୀନ ହେଲ କୁହରେ ।।

ମୌଳିକ ସ୍ୱାସ୍ଥସେବା ଏଠାରେ ନାହିଁ ।

ଗରିବ ରୋଗୀ ଟି ମରଇ ତହିଁ ।।

ଡାକ୍ତରଙ୍କୁ ଅନାଇ ବସଇ ଚାହିଁ ।

କିପରି କହିଲୁ ସ୍ୱାଧୀନ ତୁହି ।।

ଉପଯୁକ୍ତ ଶିକ୍ଷାରୁ ବଞ୍ଚିତ ହୋଇ ।

ପଢ଼ି ପାରୁନାହିଁ ପିଲାଟି ଭାଇ ।।

କୁହଥରେ ତୁମେ ମୋତେ ବୁଝାଇ ।

ସତରେ, ସ୍ୱାଧୀନ ହୋଇଛୁ ତୁହି! ।।

ଅସୁବିଧା ଆମ ରହିଅଛି ବିଭିନ୍ନ ।

ସ୍ୱାଧୀନ ନୁହଁ ଆମେ ସବୁ ପରାଧିନ ।।

ଇଂରେଜ ଶାସନୁ ସ୍ୱାଧୀନ ହୋଇ ।

ଭାବୁଛ କି ଆମେ ସ୍ୱାଧୀନ ଭାଇ ।।

ଯେବେ ସ୍ୱାଧୀନ ହୋଇବ ଦେଶ ।

ରାମ ରାଇଜ ହୋଇବ ଭାରତ ।।

ନଥିବ ଏଠାରେ ହିଂସା କପଟ ।

ମୁଣ୍ଡ ଟେକି ଆମେ ଚାଲିବା ବାଟ ।।

 

ଚାଲ ସବୁ ଆମେ ଏକାଠି ହେବା ।

ତ୍ରିରଙ୍ଗା କୁ ଚାହିଁ ଶପଥ କରିବା ।।

ସବୁ ମନ ଯେବେ ଏକାଠି ହେବ ।

ଦେଶ ସେବେ ଯାଇ ସ୍ୱାଧୀନ ପାଇବ ।।