ଯାଇଥିଲି ଦିନେ ପୁରୀକି
ଯାଇଥିଲି ଦିନେ ପୁରୀକି
କେତେ ଆଶା ନେଇ ଦରଶନ ପାଇଁ
ଯାଇଥିଲି ଦିନେ ପୁରୀକି,
ଦେଖିବା ପାଇଁ କି କାଳିଆ ହାତୀ କୁ
ରହିଥିଲି ଚାତକ ପରିକି,
ହଁ ମୁଁ ଯାଇଥିଲି ଦିନେ ପୁରୀକି l
ବଡ଼ ଶଙ୍ଖ ଠାରୁ ଦରଶନ କଲି
ବଡ଼ ଦେଉଳର ନେତଟି,
କଣ ଲେଖିବି ନେତ ଟି ଉପରେ
ବସି ପଡ଼ିଥିଲି ଥକିକି,
ହଁ ମୁଁ ଯାଇଥିଲି ଦିନେ ପୁରୀକି l
ବଡ଼ ଦାଣ୍ଡକୁ ତୋ ଦେଖିରେ କାଳିଆ
ମନ ହଜିଥିଲା ସେଇଠି,
କିପରି ତୋହର ମିଳିବ ଦର୍ଶନ
ଭାବୁଥିଲି ମୁଁ ବସିକି,
ହଁ ମୁଁ ଯାଇଥିଲି ଦିନେ ପୁରୀକି l
ତୋ ମନ୍ଦିର ଆଗେ ଅରୁଣସ୍ତମ୍ଭକୁ
ଜଣେଇଥିଲି ମୋ ପ୍ରଣତି,
ଜନସମୁଦ୍ର ତୋ ସିଂହଦୁଆରେ
ଦେଖି ଭାବରେ ମୁଁ ବୁଡ଼ିଗଲି ଟି,
ହଁ ମୁଁ ଯାଇଥିଲି ଦିନେ ପୁରୀକି l
ତତେ ଦେଖିବାକୁ ମନ୍ଦିରକୁ ତୋର
ପସିଥିଲି ମୁଁ ଠେଲିକି,
କଳା ବାମନକୁ କିପରି ଦେଖିବି
ଉଙ୍କି ମାରୁଥିଲା ପ୍ରଶ୍ନଟି,
ହଁ ମୁଁ ଯାଇଥିଲି ଦିନେ ପୁରୀକି l
ନଦେଖି ପାରିଲି ଭାବଗ୍ରାହୀଙ୍କୁ ଯେ
ଶୁଖି ଗଲା ମୋର ମୁହଁଟି,
ମିଳିଲାନି ଟିକେ ପ୍ରଭୁଙ୍କ ଦର୍ଶନ
କାନ୍ଦି ପକେଇଲି ସେଇଠି,
ହଁ ମୁଁ ଯାଇଥିଲି ଦିନେ ପୁରୀକି l
ଅଭଡ଼ା କୁ ତୋର ଆନନ୍ଦ ବଜାରେ
ଖାଇଥିଲି ଲୋତକ ଧରିକି,
ଆଉ କେବେ ପୁଣି ହେବ ଦରଶନ
ମନେ ମନେ ଭାବୁଥିଲି ଟି
ହଁ ମୁଁ ଯାଇଥିଲି ଦିନେ ପୁରୀକି l
ମୋ ସପନେ ଆସି କହିବୁ କାଳିଆ
ଲୁଚି ଗଲୁ କଣ ପାଇଁକି,
ଏତକି ଜଣେଇ ଫେରିଆସିଥିଲି
ତୋ ବଡ଼ ଦେଉଳରୁ ଟି,
ହଁ ମୁଁ ଯାଇଥିଲି ଦିନେ ପୁରୀକି l
ହଁ ମୁଁ ଯାଇଥିଲି ଦିନେ ପୁରୀକି l