ମୋ ଘର ମୋ ଗାଁଆ
ମୋ ଘର ମୋ ଗାଁଆ
ଏଇଟି ଆମର ଛୋଟିଆ ଘର
ମା' ବାପା ମୋର ଭାରି ସୁନ୍ଦର ।
ଏଇଠି ଅଛନ୍ତି ମୋ ଜେଜେ ବାପା
ମୋ ଭାଇ ଭଉଣୀ ଜେଜେମା' ଅପା ।
ମିଳି ମିଶି ଆମେ ଏକାଠି ଚଳୁ
ସଭିଙ୍କୁ ଦେଖୁଛି ପିଲାଟି ବେଳୁ ।
ନିତି ସଞ୍ଜ ବେଳେ ଚଉରା ମୂଳେ
ହାତ ଗୋଡ଼ ଧୋଇ ଦୀପ ମୁଁ ଜାଳେ ।
ଭାରି ଅପଣାର ମୋ ଗାଁ'ଦାଣ୍ଡ
ସାନ ବଡ଼ ଏଠି ହୁଅନ୍ତି ରୁଣ୍ଡ ।
ଜାତି ଜାତି ଫୁଲ ଏଇଠି ଫୁଟେ
ନାଲି କଇଁ ଫୁଟି ପାଣିରେ ଲୋଟେ ।
ପାଖ ତାଳବଣ ବାଇଆ ବସା
ଗୀତ ଗାଇ ଫେରେ ବିଲରୁ ଚଷା ।
ଆହାକି ସୁନ୍ଦର ଏଇ ମୋ ଗାଁଆ
ବଡ଼ ହୋଇ ତାର ରଖିବି ନାଆଁ ।
ତାର ନଦୀ ନାଳ ଗହୀର ବିଲ
ସତେକି ଶୋଭାର ରୂପ ମହଲ ।
ଚିର ସବୁଜିମା ଧୀର ପବନ
ମୋହି ନିଏ ମୋର ବାଳୁତ ମନ ।
ନାହିଁ ଏଠି ପର ଆପଣା ଭାବ
ଆମେ ତା ସନ୍ତାନ ଗର୍ବ ଗୌରବ ।