ଲାଇବ୍ରେରୀ
ପ୍ରୋଫାଇଲ୍
ସଭିଙ୍କ ଗେହ୍ଲା
ସଭିଙ୍କ ଗେହ୍ଲା
1 min
212
ସହଳ ଶୁଏ ମୁଁ ସହଳ ଉଠେ
ହେଳା କରେ ନାହିଁ କେବେ ମୁଁ ପାଠେ
ଖାଇବା ଆଗରୁ ଧୁଏ ମୁଁ ହାତ
ଖାଇସାରି ପୁଣି ଘଷଇ ଦାନ୍ତ
ଭାରି ଭଲ ଲାଗେ ପନିପରିବା
ଶାଗ ମୁଗ ଆଉ ସନ୍ତୁଳା ଭଜା
ମାଆ ହାତ ରନ୍ଧା ବଢିଆ ଲାଗେ
ହାତ ଚାଟି ଖାଏ ଆହୁରି ମାଗେ
ଭାତ ପିଠା ମିଠା ଅବା ଚକୁଳି
ଚୋବାଇ ଖାଏ ମୁଁ ଦିଏନି ଗିଳି
ଖାଏ ନାହିଁ ଜମା ଟିଭିକୁ ଚାହିଁ
ମାଛିବସା ଖାଦ୍ୟ ମୁଁ ଛୁଏଁ ନାହିଁ
ବଜାରରୁ କିଛି ଖାଏନି କଣି
ସୁଆଦିଆ ସିନା ରୋଗର ଖଣି
ହୁଏନାହିଁ ଜମା କେବେ ଚଗଲା
ସେଥିପାଇଁ ମୁଁ ତ ସଭିଙ୍କ ଗେହ୍ଲା
