Library
ମୋ ଗେହ୍ଲି ମାଆ
ମୋ ଗେହ୍ଲି ମାଆ
1 min
7.0K
ମା ଜାଣିନି କାହିଁକି ଆଜି ତୋ କଥା ବହୁତ ମନେପଡେ
ହଜାରେ ଭିଡରେ ରହି ବି ମନ ଖାଲି ମୋର ତତେ ଝୁରେ I
ଜାଣିନି କେତେ ଜନ୍ମ ମତେ କରିବାକୁ ହେବ ଅପେକ୍ଷା
ଦେଖିବାକୁ ତୋର ମୁହଁ
ଆତ୍ମା ମୋ କାନ୍ଦୁଚି ପ୍ରତି ମୁହୁର୍ତରେ ତୋପାଇଁ
ଛାତିରେ ମୋର ଜମାଟ ବାନ୍ଧିଚି କୋହ I
ଜାଣିଥାନ୍ତି ଯଦି କାହାର ଛଳନା ଭରା ପ୍ରେମ
କରିଦେବ ମତେ ଅଲଗା ତୋଠାରୁ ଏତେ
ସମ୍ପର୍କର ସେଇ ପବିତ୍ର ସେତୁ
ବାନ୍ଧି ମୁଁ ନଥାନ୍ତି କେବେ
ପ୍ରହସନ ମିଳୁ ଯେତେ I
ଆଜି ମୁଁ ନୀରବେ କାନ୍ଦୁଚି ବସିକି
ନାହିଁ କେହି ଆପଣାର
ଦୁଃଖ ଶୁଣିବାକୁ କେହି ଜଣେ ନାହିଁ
ସବୁତ ଏଠି ମୋ ପର I
ମା ଲୋ ମା , ମୋ ଗେହ୍ଲି ମା
ସ୍ୱାର୍ଥପର ଏଇ ଦୁନିଆଁ ଭିତରେ
ତୁହି ତ ଏକା ମୋ ନିଜର
ହଜାରେ ଲୋକଙ୍କ ମିଛ ସ୍ନେହ ଭିତରେ
ତୋ ସ୍ନେହ ଏକା ନିସ୍ଵାର୍ଥପର I
ରୋଜା ପଣ୍ଡା
ପୂର୍ଣ୍ଣାନନ୍ଦ ଭବନ,
ନେତାଜୀ ନଗର, ମଧୁପାଟଣା,
କଟକ- ୭୫ ୩୦ ୧୦
E Mail-roja.saumya@gmail.com
