Library
ମୋ ଗାଁ ଓ ତୋ ସହର
ମୋ ଗାଁ ଓ ତୋ ସହର
" ମୋ ଗାଁ
ଆଉ
ତୋ ସହର"
ମୋ ଝାଟିମାଟି ହୃଦୟର
ନିପଟ ମଫସଲି ପ୍ରେମ
ତୋ ଚିକିମିକି ସହରରେ
ତେପନ ଗଳିରେ ହଜିଗଲା ।
କହିବ କି ?
ଭୂଲ ତମର ଥିଲା
ନାଁ
ଭୂଲ ମୋର ଥିଲା ।
ମୋ ଅଜସ୍ର ସରଳ ଭାବନା ସବୁ
କପଟ ଛକରେ ବାଟବଣା ହୋଇ
ଛଳ ଛଳ ଶ୍ରାବଣର ବର୍ଷାହୋଇ
କୁହୁଡି ସାଙ୍ଗରେ ମାତି ନାଚୁଥିଲା ।
କହିବ କି ?
ଭୂଲ ତମର ଥିଲା
ନାଁ
ଭୂଲ ମୋର ଥିଲା।
ନୀରହ ସପନର ଗୁଳ୍ମ ସବୁ
ଅହମିକାର ପ୍ରଚଣ୍ଡ ତାପ ସହି
ତମକୁ ହାତ ଠାରି ଡାକି ଡାକି
ଧିରେ ଧିରେ ମରି ଝାଉଁଳି ଗଲା
କହିବ କି ?
ଭୂଲ ତମର ଥିଲା
ନାଁ
ଭୂଲ ମୋର ଥିଲା ।
ମୁଁ ଚେଇଁ ଉଠି
ଦେଖେ ତ ଆଜି
ମୋ କାଗଜ ଡଙ୍ଗାର କାହାଣୀ ସବୁ
ନାଳ ନର୍ଦ୍ଦମାର ପାଣି ରେ ବୁଡି
ଡଷ୍ଟବିନ ସାଥେ ମିଶି କଇଁ କଇଁ ହୋଇ
ଵାହୁନି ବାହୁନି କାନ୍ଦୁଥଲା ।
କହିବ କି ?
ଭୂଲ ତମର ଥିଲା
ନାଁ
ଭୂଲ ମୋର ଥିଲା ।
ମୁଁ ଜାଣେ
ଆଜି ପଚାରିଲେ ତମକୁ
ମୋ ପ୍ରଶ୍ନ ର ଉତ୍ତର
ତମେ ସେ ଉତ୍ତର ଦେଇପାରିବନି
କାରଣ !
ଏ ଆଧୁନିକ ଯୁଗରେ
ମୋ ବିଶ୍ବାସ ଗାଁର ଗପ
ତୋ ସହରର ଆର୍ବଜନା ହୋଇଛି ଯାଇ ।
