ମୋ ଗାଆଁ

ଘଣ୍ଟଶିଳା ପାହାଡ଼ର   ପାଦଦେଶେ ଦେଖରେ

କୁଳୁକୁଳୁ ସୁରେ ଝରେ  ମୋ ଶାଳିଆ ନଈରେ ।

ନଈକୂଳେ ରହିଅଛି   ମୋର ଟିକି ଗାଆଁଟି

ଶୁଣିଛ କି କେବେ କୁହ  ବାଣପୁର ନାଆଁଟି ?

ଭଗବତୀ ମାଆ ମୋର ରାଇଜରେ ବିଖ୍ୟାତ

ଦରଶନ ପାଇଁ ନିତି    ଆସୁଛନ୍ତି ଭକତ ।

ବରବରା ଶାଳବନ    ପରିବେଶ ସୁନ୍ଦର

ଶାଳିଆରେ ଗଢ଼ା ଡ୍ୟାମ୍ ମନ କିଣେ ମୋହର ।

ପଲଟଣ ପଡିଆରେ  ପଞ୍ଚୁଦୋଳ ଯାତରା

ଲାଖିଯାଏ ଆଖିଦେଖି  ଖେଳନାର ପସରା ।

ବୁଲିବାକୁ ଆସ ଥରେ   ଆମ ଗାଆଁ ଯାତକୁ

କିଣିଦେବି ଖେଳନା ମୁଁ  ଉପହାର ତୁମକୁ ।