ମୋ ଦେଶ ସଂସ୍କୃତି

ବାର ମାସରେ ତେର ପରବ

ମୋ ଦେଶ ଜନ ପାଳି

ହରଷ ଭରେ ରହନ୍ତି ଘରେ

ଅତିଥି, ଗଳାମାଳି

ଗଇଁଠା ମଣ୍ଡା ପୋଡ଼ କାକରା

ଏଣ୍ଡୁରୀ ଆଦି ପିଠା

ପୁରୀ ଚକୁଳି ଆରିସା ପୁଣି

ଲାଗଇ କେଡେ ମିଠା

ଘର ବାହୁଡ଼ା ସନ୍ତାନ ମୁଖ

ଦେଖିଲେ ମିଳେ ସୁଖ

ଏକତ୍ର ବସି ଭୋଜନ କରି

ଭୁଲନ୍ତି ଯେତେ ଦୁଃଖ

ଅତୀତ ସ୍ମୃତି କେତେ ବଖାଣି

ଖୋଜନ୍ତି ପିଲାଦିନ

ମାଆ ସେନେହ ବାପା ଆଦର

ଝୁରଇ ମନ ମୀନ

ଭାଇ ଭଗିନୀ ରାଗ ରାଗିଣୀ

ଗାଏ ଚଇତି ବାଆ

ମୋ ଦେଶ ଜାତି ଶ୍ରେଷ୍ଠ ସଂସ୍କୃତି

ଜଗତନାଥ ସାହା