ମୋ ବୋଉ କହିଛି ମୋତେ
ମୋ ବୋଉ କହିଛି ମୋତେ
ପର ଧନ ପରା ପହରେ ସମାନ
ମୋ ବୋଉ କହିଛି ମୋତେ
ମାଗିଆଣି କରି ଚଳୁ ଥିବୁ ଯଦି
କେବେ ଅଣ୍ଟିବନି ତତେ।
ପର ଝିଅ ବୋହୂ ମା ଭଉଣୀ ସମାନ
ମୁଁ ବୁଝାଇ କହୁଛି ତତେ
ଖରାପ ଆଖିରେ ତୁ କେବେ ଦେଖିବୁନି
ଧର୍ମ ଛାଡ଼ିଯିବ ତତେ।
ପର ଘର କଳି ମହାବିପତ୍ତି ଯେ
କେବେ ନ ଆଣିବୁ ସାଥେ
ପର ବଚସାରେ ମୁଣ୍ଡ ପୁରାଇ ଯେ
ଧ୍ଵଂସ ହେଇଛନ୍ତି କେତେ।
ପର ଚୁଗୁଲୀ ତୁ କେବେ କରିବୁନି
ଭଲ କହୁଥିବୁ ଯେତେ
ଯଦି କେବେ ତୁହି ଚୁଗୁଲୀ କରିଲୁ
ଲକ୍ଷ୍ମୀ ଛାଡ଼ିଯିବ ତତେ।
ପର ନୁହନ୍ତି ଯେ ପିତା ମାତା ତୋର
ତାଙ୍କ ସେବା କରିବୁ ଯେତେ
ତାଙ୍କୁ ଖୁସି କଲେ ତୁ ଦୁନିଆଁ ଜିତିବୁ
ସବୁ ମିଳିଯିବ ତତେ।