ମୋ ବାପା ,ମାଆ ଚଳନ୍ତି ଠାକୁର
ମୋ ବାପା ,ମାଆ ଚଳନ୍ତି ଠାକୁର
ତୁମରି ଆଖିରେ ଦେଖୁଛି ଦୁନିଆଁ
ତୁମେ ମୋ ଜନମ ଦାତା
ତୁମ ହାତ ଧରି ଚାଲୁ ଅଛି ବାଟ
ତୁମେ ମୋର ମାତା ,ପିତା । (୧)
ତୁମ ହସ ଦେଖି ହସୁଅଛି ମୁହିଁ।
ତୁମେ ଈଶ୍ୱର, ପାର୍ବତୀ
ତୁମରି ଖୁସିରେ ଖୁସି ହୋଇ ମୁହିଁ
ପାଉଛି ଅନେକ ଶାନ୍ତି । (୨)
ହସ, ଖୁସି,ସ୍ନେହ ଶ୍ରଦ୍ଧା,ଭଲ,ମନ୍ଦ
ସବୁତ ତୁମରି ଦାନ
ଯେମିତି ଗଢିଛ ହେ ମୋ ପିତା ,ମାତା
ଅଟେ ମୁ ତୁମ ସନ୍ତାନ ।(୩
ବାପା ,ମା' ହିଁ ଆମ ଚଳନ୍ତି ଠାକୁର
ଦୁଃଖରେ ସୁଖରେ ଲୋଡ଼ା
ଯେବେବି ଡାକିବୁ ଯେମିତି ଡାକିବୁ
ଆମ ପଶେ ହେବେ ଛିଡ଼ା ।।
ତାଙ୍କରି ଲାଗିତ ହୋଇଅଛୁ ବଡ଼
ସିଏ ଆମ ଭଗବାନ
ଯେତେ ଭୂଲ୍ କଲେ କୋଳେଇ ନିଅନ୍ତି
କହି ମୋ ଗୁଣ୍ଠୁଣି ଧନ ।।
ଦୁଃଖକୁ ଲୁଚାଇ ସୁଖ ଦିଅନ୍ତି ସେ
ବୁଝନ୍ତି ସବୁରି ଅଳି
ସବୁ ଲୁହ ପିଇ ହସିବା ଶିଖାନ୍ତି
କଷଣେ ନ ଯାଇ ଡରି ।।