ମନର ଦେଶରେ ପ୍ରେମର ସହର
ମନର ଦେଶରେ ପ୍ରେମର ସହର
ମନର ଦେଶରେ ପ୍ରେମର ସହର
ଭାବର ମୂଲ ଅମୂଲ
ମହକେ ସୁମନ ସୁରମ୍ୟ ଉଦ୍ୟାନ
ଝଲସେ ସ୍ବପ୍ନ ମହଲ ।
ରୂପେଲି ଜୋଛନା କରଇ କିମିଆ
ପାଗଳ ଭ୍ରମର ମନ
ଫୁଲର ବାସ୍ନାରେ ଅଧୀର ବିଭୋର
ମଧୁ କରେ ଅନ୍ବେଷଣ ।
ଲାଗେ ଆପଣାର ସୁନ୍ଦର ସଂସାର
ଆନନ୍ଦ ଉଲ୍ଲାସ ଚିତ୍ତ
ଚାହେଁ ଉଡିବାକୁ ମୁକ୍ତ ଆକାଶରେ
ମେଲି ବିହଙ୍ଗମ ପକ୍ଷ ।
ଗୁଞ୍ଜେ ମୃଦୁ ସ୍ବନ ବନ ଉପବନେ
ହୃଦକୁଞ୍ଜେ ଉଚ୍ଚାଟନ
ପୁକାରେ ଯୌବନ ଆଶା ଅଭିସାରେ
ପଞ୍ଚମରେ ବଂଶୀସ୍ଵନ ।
ଚହଟେ ସୁବାସ ରଙ୍ଗ ରୂପ ରସ
ଇନ୍ଦ୍ରଧନୁ ସପ୍ତରଙ୍ଗୀ
ଖୋଜେ ଅନୁକ୍ଷଣ ଜୀବନ ସାଥୀକୁ
ପ୍ରାଣପକ୍ଷୀ ଅନୁରାଗୀ ।