ମଣିଷ ରଚୁଛି ମହାଭାରତ
ମଣିଷ ରଚୁଛି ମହାଭାରତ
ପୁରାଣ କଥା,ମହାଭାରତ କାହାଣୀ
ମହାଭାରତ ଆଢ଼ୁଆଳ ର କାହାଣୀ
ପ୍ରାୟ ଜଣାଶୁଣା ଜନ ମାନସରେ
ମହାଭାରତ ର ପ୍ରଭାବ
ଆଜି ବି ବଞ୍ଚିଛି ସଭ୍ୟ ସମାଜ ରେ
ଏ ମାଟି ର କୋଣ ଅନୁକୋଣେ।
ମହାଭାରତ ରେ ରାଜନୀତି,କୂଟନୀତି ଓ ମନ୍ତ୍ରଣା
ଏବେ ନୂଆ ସଂସ୍କରଣ ରୂପ ରେ
ସବୁଠି ଚାଲିଛି ଖେଳ ଆଉ ଯୁଦ୍ଧ
ନାରୀ ର ଚିର ହରଣ,ପ୍ରାୟ ନିତିଦିନିଆ କଥା
ନାରିତ୍ୱ ର ପଦ ମର୍ଯ୍ୟାଦା ନାମକୁ ମାତ୍ର
ଆଢ଼ୁଆଳେ ନିତିଦିନ ପଶାପାଲି ର ଖେଳ।
ମା କୁନ୍ତୀ
କିଏ ଶୁଣିଛି ମା ' ର କଥା
ଉଡ଼ିବା ଶିଖିଗଲେ ମା କେବଳ ଘର ଭିତରେ
ଦେଖି ନ ଦେଖିବାର ଅନ୍ଧ ପୁଟୁଳି।
ପରିଣତ ବୟସରେ ବାପା
ପକ୍ବ କେଶ, ଶିଥିଳତା ଚର୍ମ
କିଛି କହିବାର ନାହିଁ,ନୀରବ ଦର୍ଶକ।
ସଂସ୍କାର ଅଭାବ ରେ
କେଉଁ ପିଲା ଦୁର୍ଯୋଧନ ତ ଆଉ କିଏ ଦୁଃଶାସନ
ଘରୁ ବାହାରିଲେ ଛାତି ଫୁଲା ଠାଣି ଓ ବାଣୀ
ସୁନ୍ଦରୀ କନ୍ୟା ପ୍ରତି ଲୋଲୁପ ଦୃଷ୍ଟି
ପାଞ୍ଚାଳୀ ର ଆଖ୍ୟା ଓ ସମ୍ବୋଧନ
ବିଚରା ପାଞ୍ଚାଳୀ ଅସହାୟ ଏଠି।
ଧନ ଓ କ୍ଷମତା ହାସଲ ର ଆଢ଼ୁଆଳେ
ଭାଇ ଭାଇର ସମ୍ପର୍କ ରେ ତିକ୍ତତା
ଶକୁନି ର କାନ କୁହା ମନ୍ତ୍ରଣା ରେ ଶିକାର
ପରେ ପରେ ବିଭୀଷିକା,ଯୁଦ୍ଧ ଠୁ ବଳି।
ଦୁଃଶାସନ ର ରାଜୁତି ଚାଲୁଛି
ଭୀମ କେବଳ ନେପଥ୍ୟରେ ରଡ଼ି ଛାଡୁଛି
ତୃତୀୟ ପାଣ୍ଡବ ର ଗାଣ୍ଡିବ ଏବେ ଲକ୍ଷ୍ୟ ଭ୍ରଷ୍ଟ
କେବଳ ଖେଳ କରୁଛି ଶକୁନି
ପାଣ୍ଡବ ଦୁର୍ବଳ,କୌରବ ର ଜୟ ଧ୍ଵନି
ଗୁରୁ ଦୁର୍ବଳ,ଶକୁନି ମାଳମାଳ।
ପିତାମହ ଭୀଷ୍ମ କଥା ନ କହିଲେ ଭଲ
ପିତାମହ ର ପତ୍ତା ନାହିଁ
ଇଣ୍ଟରନେଟ୍ ଯୁଗରେ ଖୋଜା ହେଉଛି ଶ୍ରୀକୃଷ୍ଣ
ଅର୍ଜୁନ ର ପ୍ରଶ୍ନ ପରେ ପ୍ରଶ୍ନ
ଗୋଟିଏ ପ୍ରଶ୍ନର ଉତ୍ତର ଅନେକ,ଅଲଗା ଅଲଗା
ବ୍ରହ୍ମଜ୍ଞାନ ର ଅଭାବରେ ,ଅର୍ଜୁନ ମ୍ରିୟମାଣ
ସୋସିଆଲ ମିଡିଆରେ ମନ୍ତ୍ରଣା ଭର୍ତ୍ତି।
ଦ୍ରୌପଦୀ ବି କମ୍ ନୁହନ୍ତି
ସୋସିଆଲ ମିଡିଆ ରେ ଲାଇଭ ଶୋ
ଅଧା ଲଙ୍ଗଳା ବେଶ ଭୂଷା
ଦୁଃଶାସନ ର ମନୋଭାବ ହେଉଛି ଉଦ୍ରେକ
ସଞ୍ଜୟ ଏବେ ଦେଖୁଛି ୟୁ ଟ୍ୟୁବ୍ ରେ
ଦେଖିଲା ପରେ ପ୍ରବଚନ
ଅଭିମନ୍ୟୁ ର ସ୍ପୃହା ନାହିଁ,ଅଯଥା ଝାମେଲା।
ମହାଭାରତ ଏବେ ଭାରତ ବକ୍ଷ ରେ
ଫୁଲ୍ ଦମ୍ ରେ ଚାଲିଛି,ନିତିପ୍ରତି ଦିନ
ଅଠର ଦିନର ମହାଭାରତ ,ବିଗତ ଦିନର
ଆଜିର ମହାଭାରତ ଚାଲୁଛି, ଚାଲିବ
ରଚନା ହେଉଛି ମହାଭାରତ ର କଥା
ପରିବାର ଓ ସମାଜର ପ୍ରତି କ୍ଷେତ୍ର ଓ କ୍ଷେତ୍ରରେ।