ମନକୁ ଟିକେ ପଚାର
ମନକୁ ଟିକେ ପଚାର
ପ୍ରିୟ ଦେଶବାସୀ ଭାବି ଥରେ ଦେଖ
ମନକୁ ଟିକେ ପଚାର
ନ କରି କର୍ତ୍ତବ୍ୟ କେତେ ଯୁକ୍ତିଯୁକ୍ତ
ଭୋଗସୁଖ ଅଧିକାର ।
ବସି ଖାଉଥିଲେ ସରିଯାଇଥାଏ
ଅସରନ୍ତି ନଈବାଲି
ମାତା ଅନ୍ନପୂର୍ଣ୍ଣା କରିଥାନ୍ତି କୋପ
କୁବେର ଭଣ୍ଡାର ଖାଲି ।
ଗୁରୁ ଶିଷ୍ୟ ମଧ୍ୟେ ରହେ ନାହିଁ ଯଦି
ସୁସମ୍ବନ୍ଧ ଉପଯୁକ୍ତ
ବିଦ୍ୟାର ଅର୍ଜନ ପ୍ରଜ୍ଞାନ ପ୍ରୟୋଗ
ବିଘ୍ନ ହେବ ସୁନିଶ୍ଚିତ ।
ନ୍ୟାୟ ପ୍ରଶାସନ ହେଲେ ପଥଭ୍ରଷ୍ଟ
ବିଫଳ ପ୍ରଜାରଞ୍ଜନ
ଘୂଞ୍ଚି ଘୂଞ୍ଚି ଯିବ ସ୍ୱତନ୍ତ୍ରତା ଲକ୍ଷ୍ୟ
ଆତ୍ମନିର୍ଭରତା ପଦ୍ମ ।
କୃଷି ପ୍ରାଥମିକ ସେବା ସହଯୋଗ
ଦେଶରକ୍ଷା ପରାକାଷ୍ଠା
ନିର୍ମାଣ ଉଦ୍ୟୋଗ ସକଳ ବ୍ୟାପାରେ
ମୂଳ ଅଟଇ ସାଧୁତା ।
ଅହିତ କେବଳ କ୍ଷମତାର ନିଶା
ସ୍ୱାର୍ଥପର ନିଜ ଚିନ୍ତା
ବୃହତ୍ତର ହିତେ ପାଳନ ଉଚିତ
ସ୍ୱକର୍ତ୍ତବ୍ୟ କର୍ମ ନିଷ୍ଠା ।