ମନେପଡେ

ମନେପଡେ ଆଜି  ଶୀତୁଆ ପାହାନ୍ତି  

   ସତର ବରଷ ତଳେ 

କେଇପଦ ମିଠା କଥା କହିସାରି 

   ଶୋଇଗଲା ମୋର କୋଳେ ll 1

    

 ଅଜଣା ଅଚିହ୍ନା  ସଂସାର  ଭିତରେ 

    ଦୁହେଁ ଥିଲୁ ବହୁ ଦୂରେ

 ମୋ ମୁହଁକୁ ଚାହିଁ ରହୁଥିଲା ସିଏ 

   କହୁଥିଲା କଥା ଥିରେ ll 2

ମନ ବୁଝିବାକୁ ହୃଦ ଜିଣିବାକୁ 

    ଲାଗିଲା ଚାରି ବରଷ 

 ମାନିନୀ ମୁହଁରେ  ମୁରୁକି ମୁରୁକି 

   ଫୁଟିଲା ଗୋଲାପି ହସ ll 3

    

ଗଡି ଯାଏ ଦିନ  ବିତିଯାଏ ନିଶି 

     ସୂର୍ଯ୍ୟ ଚନ୍ଦ୍ର ପରି ନିତି 

 ଅଭାବରେ ଭାବ ସିଏ ମୋର ଦମ୍ଭ 

     ଜାଳଇ ଜାଗର ବତୀ ll 4

ମନ ରଖି ଥିଲେ  ମୋନାଲିସା ସିଏ

    ନ ହେଲେ ମରମ ଦହେ  

ଘର କଥା ସିନା ଘରେ ରହି ଯାଏ 

    କାହାକୁ କେବେ ନ କହେ ll 5