ମନେ ପଡ଼ ତୁମେ

କହିବାର ଥିଲା ଯାହାତ ତୁମକୁ

କେବେଠୁ କହି ସାରିଛି

ତୁମେବି ଜାଣିଛ ଏହି ମନ ମୋର

ତୁମକୁ କେବେଠୁ ଦେଇ ସାରିଛି

କାହିଁକି କେଜାଣି ଜାଣି ଜାଣି ତୁମେ

ଅଜଣା ପରି ହୁଅ

କାହିଁକି କେଜାଣି ସବୁଜାଣି

ଏତେ କଥା କାହିଁ କୁହ

ଏଜୀବନରେ ମୋର କିଛି କଥା

ତୁମକୁ ଲୁଚାଇ ନାହିଁ

ତୁମକୁ ନକହି କେବେବି କାହିଁକି

କିଛି କାମ କରିନାହିଁ

କାହାକୁ କିଛିବି ପଚାରି ପଚାରି

ନିଜ ପାଖେ ନିଜେ ହାରିଗଲି

ଏମିତି ଗୋଟିଏ ମୁହୂର୍ତ୍ତ ବି ନାହିଁ

ତୁମକୁ ନ ଖୋଜିଛି ବୋଲି

ଗାଁ ବଦଳିଛି ଘର ବଦଳିଛି

ବଦଳିଛି ପରିଚୟ

ନିଜର ସଭିଏଁ ଥାଇବି କାହିଁକି

ଆଜି କିଛି ନାହିଁ ପରିଚୟ

ପୁରୁଣା ଠିକଣା ବିହୀନ ସେ ଚିଠି

ତୁମ ହାତକୁ ଆସିଛି

ଅନେକ ଦିନର ସେହି ପ୍ରେମ

ସତରେ ଆମକୁ ବାନ୍ଧି ରଖିଛି

କେତେଯେ ହଜେଇ ପାଇଛି ତୁମକୁ

ସେକଥା କହି ପାରେନା

ପ୍ରତିଟି ମୁହୂର୍ତ୍ତ ତୁମଠୁ ଦୁରକୁ

କାହିଁକି କେଜାଣି ଯାଇପାରେନା

ଲାଗୁଛି ଯେମିତି ଅନେକ ଦିନର

ଖୋଜିବା ସରିଯାଇଛି

ହେଲେବି ତୁମର ସେହିସବୁ ସ୍ମୃତି

ମୋମନରେ ସବୁଦିନ ପାଇଁ ଘର କରିଛି ।