ମମତାର ଫୁଲ

ମମତାର ଫୁଲ ଅତି ସୁକୋମଳ

ଅତୁଲ୍ଯ ଅମୁଲ୍ଯ ମୁଲ

ଲୋଡଇ ଶୈଶବ ସୁକୋମଳ ସେନେହ

ସମାଜ ଯତ୍ନ ଆଦର ।

ଅମୃତର ସୃଷ୍ଟି ସନ୍ତାନସନ୍ତତି

ଈଶ୍ବରଙ୍କ ଅବଦାନ

ବିକୃତ ଭାବନା ଲିଙ୍ଗ ଭେଦାଭେଦ 

ସୁକନ୍ଯା ସୁଖ କାରଣ ।

ଅଲୋଡା ନୁହଁଇ ପୁତ୍ରୀ ଅଲୀଅଳି

କନ୍ଯାରତ୍ନ ସୁକୁମାରୀ

ଜନକ ଜନନୀ ଅଞ୍ଜଳିକୁ ପାତି

ସୁମନାକୁ ନିଅ ତୋଳି ।

ଝିଅଟିଏ ବୋଲି ଲାଳନପାଳନେ

କରନାହିଁ ହତାଦର

ତା ପ୍ରତି ଅନ୍ଯାୟ କଲେ ଆଚରଣ 

ପାପେ ହେବ ଭାଗୀଦାର ।

ଆଲୋକ ଉଜ୍ଜ୍ବଳେ ଦିଅ ବଞ୍ଚିବାକୁ

କନ୍ୟାକୁ ସମ ସୁଯୋଗ

ଚାହିଁଲେ ଈଶ୍ବର ଅର୍ଜି ଯଶକୀର୍ତ୍ତି

ସୁକନ୍ଯା ନାମ ରଖିବ ।