ଚିଠି ତୁମ ପାଇଁ
ଚିଠି ତୁମ ପାଇଁ
ମୁଁ ଆବଦ୍ଧହୀନ କିଛି ଗୋଟେ
ହବାର ଜିଦ୍ ରେ ଥିଲି,
କଣ ହେବି ଖୋଜୁଥିଲି
ପବନରେ ବି ବାଡ ପକା ସରିଥିଲା
ଏଇ ଲାଗେ ଲାଗେ
କାନଭାସ ଟେ ହେଇଗଲି ।
ମୁଁ ସଂଳାପ ନଥିବା ଶବ୍ଦ ମୟତା
ହେବି ବୋଲି ଠାଣିଲି ,
ମଞ୍ଚ ସାରା ଚରିତ୍ର ଙ୍କ ଖୁବ୍ ଗହଳି
ନ ଦିଶୁଥିବା କିଛି ଗୋଟେ ପାଇଁ ଯାଗା ନଥିଲା ସେଠି ।
ମୁଁ ଅନୁଭବ ଟେ ତିଆରିଲି ।
କିଏ କହେ ! ସବୁ ସମୟ ତୁମର,
ସେଠି ବି " ଯଦି " ଟିଏ ଥାଏ ଲୁକ୍କାୟିତ ।
ମୁଁ ଖାଲି ସ୍ଥିତି ଟିଏ ତ ଆଉ ହେଇପାରିନଥାନ୍ତି ନା !
ମୁଁ ସମର୍ପଣ ଟିଏ ଯୋଡିଲି ।
ଆଙ୍କୁ ଆଙ୍କୁ ଏ ନୀଳ ରୁ ସେ ନୀଳ ଯାଏ,
ନୀଳ ରଙ୍ଗ ଅସରା ଥିଲା ।
" ବିନା ନୀଳରେ କାନଭାସ କାଇଁ !"
କହୁଥିବା ତୁମେ ଫିଟିପଡୁଥିଲ ଜଳକଣା ସାଜି
ନୀଳବିନ୍ଦୁ ରୁ
ମୁଁ ନୀଳ ରଙ୍ଗ ସବୁ ଲିଭେଇ ଦେଲି
ତୁମ ହାତ ଧରିବାର ଥିଲା ଯେ ।
ସେଠି ମୁଁ କେବଳ ସାହାସ ଟିଏ ଥିଲି ।।