ଦେବୀ ୨- ପ୍ରହରୀ

ଦେବୀପକ୍ଷର ପ୍ରତି ସଞ୍ଜରେ ...ତୁମ ଉତ୍ତରଣ

ଧରା ଦିଶେ ଲେଲିହାନ

ତୁମ ଶକ୍ତିର ଆଭାରେ ଉଦ୍ଭାସିତ ହୁଏ

ମଣ୍ଡଳ ମଣ୍ଡଳ

ଶଙ୍ଖ ଧ୍ବନିର ସକାଳ ।।

ବର୍ଷ ସାରା କାହିଁ ଥାଅ ?

ଦେଉଳେ ରକ୍ତମୁଖା .....

ହୋଇ ଏଇ ଆଶ୍ବିନେ ଦେଖାଦିଅ ଯେ !

ଜାଣ ?

ରକ୍ତବୀର୍ଯ୍ୟମାନେ

ସବୁ ଦେହେ ଦେହେ ....ମନେ ମନେ

ପ୍ରତ୍ୟୟମାନ

କିନ୍ତୁ , ବର୍ଷ ତମାମ ।।

ଲୁଚି ଲୁଚି ନୁହେଁ ମ !

ସର୍ବ ପ୍ରତ୍ୟକ୍ଷ ବିଚରିତ ।।

ନାରୀତନୁଟିଏ ହି କାହିଁକି ଲୋଡା ତୁମ ଅବତୀର୍ଣ୍ଣ ହେବା ନେଇ ?

ତୁମ ତ ଦିବ୍ୟ ଚେତନା।।

 ...ହେ ଈଶ୍ୱରୀ

ଅର୍ଦ୍ଧନାରୀଶ୍ୱରୀ ... 

ମାଆ ତୁମେ ...

ଅସ୍ତିତ୍ଵ କାଇଁ ଯେ ତୁମ ବିନା !

ତେବେ କୁଣ୍ଡଳୀ ମାରି ଶୋଇଯାଅ କାହିଁ ?

ଜୀବର ଆର୍ତ୍ତନାଦ ବେଳାରେ ?

କେତେ ଯେ ମହିଷା ଚଣ୍ଡ_ମୁଣ୍ଡ, ଶୁମ୍ଭ_ନିଶୁମ୍ଭ 

ଚାଲବୁଲ ସାନନ୍ଦେ

ନରନାରୀ ରୂପରେ ।।

ହେ ଶକ୍ତି ! ଏ ନିସ୍ପୃହତା କେତେ କାଳ ଭୋଗ ଆଉ ?

ମଣ୍ଡପେ ସାଜିବାକୁ କଣ "ଦଶହରା" ?

ଆସ ....ଚାମୁଣ୍ଡା ସାଜ

ଧର ତୁମ ଖଡ୍ଗ ଖର୍ପର ... 

ବିଜେ କର ସବୁ ନିରୀହ ଦେହରେ ....

ତୁମେ ପରା ପ୍ରହରୀ

ଦଶ ଦୋଷ କ୍ଷମା ନୁହେଁ ମାଆ

ସହସ୍ର ଦୋଷ ନାଶ ହେଉ

ଦର୍ଶନେ ତବ ମହାମାୟା ।।