କାହିଁକି ଜାଣିନି

ଲୁହ ନଦୀ ସବୁ ସମୁଦ୍ରରେ ମିଶିଗଲା ପରେ

ଲୁଣିଆ ହୋଇ ସମୁଦ୍ର ପାଣିଆ ହୋଇଗଲା

ଦିନେ ଯେବେ ଲୁହ ସବୁ ଫେରିବାକୁ ଚାହିଁଲେ

ସମୁଦ୍ର ଜୁଆରିଆ ହେଲା

ପ୍ରେମ କଲା ମନ ଦେଲା

ଶାମୁକା ହୀରା ଲିଳା ମୋତି ମାଣିକ ପରଶିଲା

ପୁଣି ମନ ଭାଙ୍ଗିଯିବା ପରେ ଭଟ୍ଟା

କୂଳରେ ଢେଉ ଭିତରେ ଲୁଣା ନଦୀମାନେ

ଯେତେ କୋଡ଼ି କଚାଡି କାନ୍ଦିଲେ ବି

ନିସ୍ତାର ନଥିଲା ଲୁଣ ସବୁ କଠିନ ଅବସ୍ଥାରେ ନଥିଲେ

ଫେରିଯିବାକୁ ରାସ୍ତା ବନ୍ଦ ଥିଲା

କୋଉ ଆକର୍ଷଣ ତାଙ୍କୁ ସମୁଦ୍ରରେ ମିଶାଇଲା

ଭାବୁଥିଲା ବେଳେ

କିଏ ତିଳ ତର୍ପଣ ପାଇଁ

କିଏ ଅସ୍ଥି ବିସର୍ଜ୍ଜନ ଦେଇ.

କିଏ ସମୁଦ୍ର ଜଳ ତୁଣ୍ଡେ ଦେଇ

କିଏ ରିଷ୍ଟ କାଟିବାକୁ ସମୁଦ୍ର ପାଣିସବୁକୁ

ଗର୍ଭସ୍ଥ କଲାବେଳେ ଲୁଣା ନଦୀମାନେ

ରହି ରହି କହୁଥିଲେ

ସ୍ବସ୍ତି ସ୍ବସ୍ତି ଅସ୍ତି ଅସ୍ତି ପ୍ରଶାନ୍ତି ଯୁଗପତ ପ୍ରାପ୍ତି ।