ନମୋ ନମୋ କାଳ ରାତ୍ରୀ
ନମୋ ନମୋ କାଳ ରାତ୍ରୀ
ନମସ୍ତେ ଚାମୁଣ୍ଡେ ଚଣ୍ଡୀ ନମୋ କାଳ ରାତ୍ରୀ
ଛାଗଳ ବାହନ ପୃଷ୍ଠେ ଆସୁ ବିଜେ କରି ।
ନମୋ ନମଃ କାଳ ରାତ୍ରୀ ମହା ଭୟ ଙ୍କରୀ
ଗର୍ଦ୍ଧଭ ବାହିନୀ ତୁ , ଲୋ ମହା ଯୋଗେଶ୍ୱରୀ ।
ନମସ୍ତେ ନମସ୍ତେ ମାତ କରାଳ ବଦନୀ
ଉନ୍ମୁକ୍ତ କୁନ୍ତଳା ନମୋ , ବିକଟ ଦଶନୀ ।
ମହାଶକ୍ତି , ପରାଶକ୍ତି ଠାରୁ ତୁହି ଜାତ
ନମୋ ନମଃ ଗୋ ଜନନୀ ନମୋ ଆଦି ମାତ ।
ମନ୍ଦାର ମାଳିନୀ ନମଃ ନମୋ ଗୋ ଜନନୀ
କାଳ ରାତ୍ରୀ , ନମୋ ନମଃ ବିପୁଳ ଜଘନୀ ।
ନିଦ୍ରା ରୂପା , ନମୋ ନମଃ ମହା ମାହେଶ୍ୱରୀ
ପାପ ତାପ , ସଂହାରିଣୀ , କଲ୍ୟାଣ କାରିଣୀ ।
ନମୋ ନମଃ କାଳୀ, ମହା ମାହେଶ୍ୱରୀ ମାତ
ଆଗୋ ନବ , ଦୁର୍ଗା ଭାବେ , ତୁହି ପରିଚିତ ।
ନମଃ ନମଃ କାଳ ରାତ୍ରୀ ନମୋ ମହାମାୟୀ
ତୁ ଲୋ ଦିବ୍ୟ ଶକ୍ତି ଦାତ୍ରୀ ଅଭୟ ଦାୟିନୀ ।
ନମସ୍ତେ ନମସ୍ତେ ମାତ କରାଳ ବଦନୀ
ଉଜ୍ଜ୍ବଳ କଜ୍ଜଳ ନାଇ ତୋ ଆଖି ଶୋଭିନୀ ।
ତୋର ଭକ୍ତି ପ୍ରଭାଵ ରେ ଅସାଧ୍ୟ ସାଧନ
ଭକତେ ପ୍ରଦାନ କରୁ , ବହୁ ଧନ ଜନ ।
ନମୋ ନମଃ ଶ୍ୟାମା ଆଦ୍ୟା ଶକ୍ତି ନମୋ ନମଃ
ବରଦ , ଆଶିଷ ଦାୟୀ ମୁଦ୍ରାରେ ଶୋଭନ ।
ତୋ ଦକ୍ଷିଣ କର ଦ୍ବୟ ସଜାଇ ଥାଉ ତୁ
ଅନ୍ୟ କରେ , କୁନ୍ତ , ଖଡ୍ଗ ଧରି ମୁଣ୍ଡ କାଟୁ ।
ଚତୁର୍ଭୁଜ। ତୁହି ଲୋ ମା ' ମହା କାଳ ରାତ୍ରୀ
ଭକତ ଜନଙ୍କୁ ସଦା ତୁ ଅଭୟ ଦାତ୍ରୀ ।
ନବ ନିଶ କୁନ୍ତ , ଖଡ୍ଗ , ଖପର୍ପର ଶୋଭିନୀ
ନମୋ ମା ଲୋ କାଳ ରାତ୍ରୀ ଅଭୟ ଦାୟିନୀ ।
ଝୁଣା ଧୂପ , ଗୁଲ୍ଗୁଳ ରେ ତୋ ର ଭାରି ଶ୍ରଦ୍ଧା
ନବ ରାତ୍ରୀ ଉପାସିତl ସିଦ୍ଧ ମହା ବିଦ୍ୟା ।
ମହା ଶକ୍ତି , ମହା ମାୟି , ନମୋ ଗୋ ଜନନୀ
ନମୋ ନମଃ କାଳ ରାତ୍ରୀ ଅଜ୍ଞାନ ନାସିନୀ ।
ନମୋ ଲୋ କାଳିକା , ମହା ମାୟି ଧୂମପଣ୍ଣା
ମହା ମାହେଶ୍ୱରୀ ମାତ ,ନମୋ ଧୂମ ବର୍ଣ୍ଣ। ।