ମିଳନପର୍ବ

ସୁନୀଳ ଆକାଶେ  ଉଇଁଲାଣି ଦେଖ 

    ଫଗୁଣ ପୂନେଇ ଜହ୍ନ

ମନ କୁଞ୍ଜ ବନ  ହେଉଛି ଉଚ୍ଚାଟ

    ଆସିବେ କି ପ୍ରାଣ ଧନ ।

କୃଷ୍ଣ ନଟବର ପିନ୍ଧି ପୀତାମ୍ବର

   ଚନ୍ଦନ ଚର୍ଚ୍ଚିତ ବେଶେ

ପାଉଥିବ ଶୋଭା ମୟୂର ଚନ୍ଦ୍ରିକା

   ଶୀରେ ସୁମଣ୍ଡିତ କେଶେ।

ଅଧର ମୂରଲୀ ପଞ୍ଚମ ତାନରେ

   ଗୁଞ୍ଜରିବ ମଧୁସ୍ୱନ

ସଞ୍ଚରି ଉଠିବ ମୋ ହୃଦୟ ମନ

   ଅମୃତ ମଧୁର ପ୍ରେମ ।

ପଲ୍ଲବୀ ଉଠିବ ବୃକ୍ଷ ତରୁ ଲତା

   ହସିବ ଫୁଲ ଫଗୁଣ

ବରଷିବ ରଙ୍ଗ ନିରସ ଜୀବନେ

  ‌‌ ଫୁଟିବ ଶତ କଦମ୍ବ ।

ନର ଦେହୀ ରାଧା ପରମାତ୍ମା କୃଷ୍ଣ

   ମଧୁର ମିଳନ ପର୍ବ

ନୀଳ ନୀଳିମାକୁ ଜିଣି ସପ୍ତରଙ୍ଗେ

   ଉଜ୍ଜ୍ୱଳ ଆଲୋକ ସୂର୍ଯ୍ୟ ।